ءمينيستردىڭ ايتۋىنشا, ۇلتتىق قوردان 2022 جىلى 550 ميلليارد تەڭگە مولشەرىندە, 2023-2024 جىلدارى جىل سايىن 400 ميلليارد تەڭگەدەن نىسانالى ترانسفەرت تارتۋ ۇسىنىلادى. جالپى ىشكى ونىمگە بايلانىستى 2022 جىلى بيۋدجەت تاپشىلىعى 3,3% دەڭگەيىندە بولجانسا, كەلەشەكتە 2024 جىلى جالپى ىشكى ونىمگە قاتىستى 2,5%-عا دەيىن تومەندەۋ بولجانىپ وتىر.
«2022 جىلى مۇنايلى ەمەس تاپشىلىق جالپى ىشكى ونىمگە بايلانىستى 8,1%-دى قۇراپ, 2024 جىلى جالپى ىشكى ونىمگە قاتىستى 6,3%-عا دەيىن تومەندەيدى.
سونداي-اق رەسپۋبليكالىق بيۋدجەتتىڭ شىعىستارى 2022 جىلى 15,9 تريلليون تەڭگە, 2023 جىلى 15,6 تريلليون تەڭگە جانە 2024 جىلى 16 تريلليون تەڭگە كولەمىندە بولجانىپ وتىر», دەدى مينيستر.
سونىمەن قاتار ءا.ەرعاليەۆ ۇكىمەت مۇشەلەرىنە قر 2022-2026 جىلدارعا ارنالعان الەۋمەتتىك-ەكونوميكالىق دامۋ بولجامىنىڭ جوباسىن ۇسىندى.
