جەرگىلىكتى پوليتسيانىڭ حابارلاۋىنشا, 17 تامىزدا بۇقار جىراۋ اۋداندىق پوليتسيا باسقارماسىنا 52 جاستاعى ەر ادام جۇگىنگەن. شاعىمىندا ءوزىنىڭ اتىنان 170 مىڭ تەڭگە كولەمىندە نەسيە راسىمدەگەن ادامدى ۇستاۋدى وتىنگەن. ايتۋىنشا, 22 جاستاعى اۋىلداسى اقشا سۇراپ كەلگەندە شاعىمدانۋشى وعان تەلەفوننان ونلاين-كرەديت راسىمدەۋدى ۇيرەتپەك بولىپ, ءوزىنىڭ جەكە مالىمەتتەرىن ەنگىزگەن. كەيىن ونى ءوشىرۋدى ۇمىتىپ كەتكەن.
شاعىمدانۋشى سول جىگىتتەن كۇدىكتەنەتىنىن ايتقان.
پوليتسەيلەر كۇدىكتىنى ۇستادى. ول ءوز كىناسىن مويىندادى. قازىرگى كەزدە قىلمىستىق كودەكستىڭ 192-بابى بويىنشا سوتقا دەيىنگى تەرگەۋ ءجۇرىپ جاتىر. وسى قىلمىس ءۇشىن كۇدىكتىنىڭ مۇلكى تاركىلەنىپ, 1 000 اەك (2 917 000 تەڭگەگە) دەيiنگi مولشەردە ايىپپۇل سالۋ نە 600 ساعاتقا دەيىنگى مەرزىمگە قوعامدىق جۇمىستارعا تارتۋ نەمەسە ەكى جىلعا دەيiنگi مەرزiمگە باس بوستاندىعىن شەكتەۋ (ايىرۋ) جازاسى قولدانىلۋى دا مۇمكىن.
