جەڭىلدىكتى نەسيە بەرۋ باعدارلامالارى مونيتورينگىنىڭ ناتيجەلەرى, مەملەكەتتىك قولداۋدىڭ قوسىمشا شارالارىن ازىرلەۋ بويىنشا بيزنەسكە جۇرگىزىلگەن ساۋالنامانىڭ ارالىق قورىتىندىلارى, «Ashyq» جوباسىن ىسكە اسىرۋ, ميكروقارجى ۇيىمدارى مەن وڭىرلەردىڭ ەكونوميكالىق كارتاسى ماسەلەلەرى, مەملەكەتتىك ساتىپ الۋلارداعى, «سامۇرىق-قازىنا» ۇاق» اق-نىڭ جانە جەر قويناۋىن پايدالانۋشىلاردىڭ ساتىپ الۋلارىنداعى جەرگىلىكتى قامتۋ ماسەلەلەرى قارالدى.
بجك-2025 باعدارلاماسىن ىسكە اسىرۋدىڭ وڭ قارقىنى بايقالادى. وسى جىلدىڭ قاڭتار-شىلدە ايلارىندا 408,3 ملرد تەڭگە سوماسىنا شامامەن 14 مىڭ جوبا سۋبسيديالاندى, سۋبسيديالاردىڭ جالپى سوماسى 47,7 ملرد تەڭگەنى قۇرادى.
سونىمەن قاتار «دامۋ» قورى 170,2 ملرد تەڭگە سوماسىنا 10,9 مىڭ جوباعا كەپىلدىك بەردى, كەپىلدىكتەردىڭ جالپى سوماسى 87,4 ملرد تەڭگەنى قۇرايدى. سۋبسيديالاۋ قۇرالىنىڭ نەگىزگى تۇتىنۋشىلارى – شاعىن جانە ورتا بيزنەس, بۇل جوبالار سانى بويىنشا 99%-دى جانە جوبالار سوماسى بويىنشا 90%-دى قۇرايدى. كەپىلدىكتەردىڭ نەگىزگى تۇتىنۋشىلارى – ساۋدا جانە وڭدەۋ ونەركاسىبى سالالارىنىڭ كاسىپورىندارى, بۇل قول قويىلعان كەپىلدىكتەردىڭ جالپى سانىنىڭ 60%-ىن جانە ولاردىڭ جالپى سوماسىنىڭ 50%-ىن قۇرايدى.
«قاراپايىم زاتتار ەكونوميكاسى» جەڭىلدەتىلگەن نەسيەلەۋ باعدارلاماسى بويىنشا 774 ملرد تەڭگە سوماسىنا 2996 جوبا ماقۇلداندى, 666 ملرد تەڭگە سوماسىنا 2441 جوبا سۋبسيديالاندى. بۇگىنگى تاڭدا قازاقستاندا «باستاۋ بيزنەس» جوباسىنىڭ تۇلەكتەرىنە نەسيە بەرۋ ءۇشىن 15 ميكروقارجى ۇيىمى (مقۇ) قۇرىلدى. وتىنىمدەردى قابىلداۋ وسى جىلدىڭ 15 شىلدەسىندە باستالدى, وسى ۋاقىتقا دەيىن شامامەن 1,6 مىڭ جاڭا جۇمىس ورنىن قۇرۋمەن, جالپى سوماسى 4,58 ملرد تەڭگەگە 797 جوبا بويىنشا وتىنىمدەر قابىلداندى. باسىم باعىتتار بويىنشا مال شارۋاشىلىعى, نان-توقاش جانە كونديتەرلىك ونىمدەر ءوندىرىسى, ساۋدا سالاسىنداعى جوبالار كوش باستاپ تۇر. ەڭ كوپ ءوتىنىم قاراعاندى (120), جامبىل (100) جانە شىعىس قازاقستان (83) وبلىستارىندا بەرىلدى.
جوبانىڭ الەۋمەتتىك جانە ەكونوميكالىق ماڭىزدىلىعىن ەسكەرە وتىرىپ, پرەمەر-مينيستر بولىنگەن قاراجاتتى سوڭعى قارىز الۋشىلارعا ءتيىمدى جەتكىزۋ ماسەلەسىن قىسقا مەرزىمدە پىسىقتاۋدى تاپسىردى. وتىرىس بارىسىندا «Ashyq» جوباسىن ودان ءارى دامىتۋ ماسەلەلەرىنە ەرەكشە نازار اۋدارىلدى. قازىرگى ۋاقىتتا وعان قاتىسۋشىلاردىڭ سانى 111 مىڭنان اسادى. ولاردىڭ جارتىسىنان كوبى ساۋدا, تاماقتانۋ جانە ءبىلىم بەرۋ سالالارىندا قىزمەت كورسەتەدى. كارانتين تالاپتارىن بۇزۋشىلاردى انىقتاۋ جوباعا قاتىسۋشىلاردىڭ سانىن ارتتىرۋ ەسەبىنەن 15 ەسە ءوستى. بيزنەس سۋبەكتىلەرىن قامتۋدى ودان ءارى ۇلعايتۋ ماقساتىندا «Ashyq»-قا قاتىسۋعا ءوتىنىم بەرۋ جانە QR-كود الۋ ءتارتىبى جەڭىلدەتىلدى. ۇكىمەت باسشىسى دەنساۋلىق ساقتاۋ مينيسترلىگىنە «اتامەكەن» ۇكپ-مەن بىرلەسىپ «Ashyq» جوباسىنا قاتىسۋشىلارعا دەمالىس كۇندەرى جۇمىس ىستەۋگە مۇمكىندىك بەرۋ ماسەلەسىن پىسىقتاۋدى تاپسىردى.
«اتامەكەن» ۇكپ-عا ورتالىق مەملەكەتتىك جانە جەرگىلىكتى اتقارۋشى ورگاندارمەن بىرلەسىپ, بيزنەستى مەملەكەتتىك قولداۋ شارالارىن الۋشىلاردىڭ بىرىڭعاي ءتىزىلىمىن قالىپتاستىرۋ ءۇشىن زاڭناماعا ەنگىزىلەتىن قاجەتتى وزگەرىستەرگە تالداۋ جۇرگىزۋ, سونداي-اق ءتيىستى تاسىلدەر مەن كريتەريلەردى دايىنداۋ تاپسىرىلدى.
«وڭىرلەردىڭ ەكونوميكالىق كارتاسى نەگىزىندە مەملەكەتتىك قولداۋ شارالارىن الۋشىلاردىڭ بىرىڭعاي ءتىزىلىمىن قۇرۋ بيزنەستى قولداۋ شارالارىنىڭ بارلىق سپەكترىنىڭ تيىمدىلىگىنە مونيتورينگ جۇرگىزۋ جانە تالداۋ ساپاسىن ارتتىرۋعا مۇمكىندىك بەرەدى», دەدى ا. مامين.
وتىرىس بارىسىندا «اتامەكەن» ۇكپ باسقارما توراعاسى ابىلاي مىرزاحمەتوۆ ەڭ كوپ زارداپ شەككەن سالالاردىڭ قازىرگى جاعدايى جانە ەكونوميكانىڭ وندىرىستىك سەكتورلارىن دامىتۋ پەرسپەكتيۆالارى بويىنشا قازاقستاننىڭ 10 مىڭنان استام كاسىپكەرلەرىنە جۇرگىزىلگەن ساۋالنامانىڭ ارالىق قورىتىندىسىن ۇسىندى. ۇكىمەت باسشىسى «اتامەكەن» ۇكپ جۇرگىزگەن ساۋالنامانىڭ تۇپكىلىكتى قورىتىندىسىن ەگجەي-تەگجەيلى زەردەلەۋدى جانە بيزنەستى ودان ءارى قولداۋ بويىنشا قوسىمشا شارالار دايىنداۋدى تاپسىردى. ورتالىق مەملەكەتتىك جانە جەرگىلىكتى اتقارۋشى ورگاندارعا, سونداي-اق كۆازيمەملەكەتتىك ۇيىمدارعا رەتتەلەتىن ساتىپ الۋلارداعى جەرگىلىكتى قامتۋدى باقىلاۋدى قامتاماسىز ەتۋ, وتاندىق وندىرۋشىلەردىڭ مەملەكەتتىك ساتىپ الۋعا قولجەتىمدىلىگىن ودان ءارى قامتاماسىز ەتۋ جونىندە شارالار قابىلداۋ تاپسىرىلدى.
