قازاقستان مۇسىلماندارى ءدىني باسقارماسىنىڭ ۇيىمداستىرۋىمەن قازان ايىندا قاسيەتتى قۇران كارىمدى جاتقا جانە مانەرلەپ وقۋدان رەسپۋبليكالىق بايقاۋ وتەدى.
ءدىني باسقارما جىلداعى ءداستۇر بويىنشا ح رەسپۋبليكالىق قۇران سايىسىن تاۋەلسىزدىگىمىزدىڭ 30 جىلدىق مەرەي تويىنا وراي قازان ايىنىڭ 6-7 كۇندەرى تۇركىستان قالاسىندا وتكىزۋدى جوسپارلاپ وتىر, دەلىنگەن حابارلامادا.
سايىس قۇران كارىمنىڭ 30 پاراسىن, 20 پاراسىن, 10 پاراسىن جاتقا وقۋ جانە مانەرلەپ وقۋ نوميناتسيالارى بويىنشا ۇيىمداستىرىلادى.
قۇران جارىسىنا قاتىسۋشىلارعا قويىلاتىن تالاپتار:
– قۇراندى قاتەسىز جاتقا جانە تاجۋيدىمەن كوركەم وقۋىنا باسا ءمان بەرىلەدى;
– ۇمىتكەر ءوز وبلىسىنداعى الدىن الا ىرىكتەۋ سايىسىندا 1-ورىن العان جاعدايدا عانا جارىسقا جولداما الادى;
– تولىق قۇراندى جاتقا وقۋ نوميناتسياسى بويىنشا قاتىساتىن ۇمىتكەر رەسپۋبليكالىق, حالىقارالىق جارىستاردا جۇلدەلى ورىن الماعان بولۋى كەرەك;
– ۇمىتكەر قر ەر ازاماتى بولۋى كەرەك;
– ۇمىتكەر 30 جاستان اسپاعان بولۋى كەرەك;
– ۇمىتكەر جارىسقا تەك ءبىر نوميناتسيا بويىنشا عانا قاتىسا الادى.
قاجەتتى قۇجاتتار:
1. ۇمىتكەردىڭ انكەتاسى;
2. جەكە كۋالىك كوشىرمەسى;
3. ىرىكتەۋ سايىسىنىڭ سەرتيفيكات كوشىرمەسى;
4. وبلىس باس يمامىنىڭ ۇسىنىس حاتى.
جەڭىمپازدار مەن جۇلدەگەرلەرگە اۆتوكولىك پەن قارجىلاي سىيلىقتار تابىستالىپ, ارنايى سەرتيفيكاتتار بەرىلەدى.
