فوتو: Reuters
جەكسەنبىدە اق ۇيدە وتكەن بريفينگتە اقش پرەزيدەنتى دجو بايدەن امەريكا مەن اۋعان ازاماتتارىن تاليبان باقىلاۋىنداعى اۋعانستاننان شىعارۋعا ۋادە بەردى. بۇعان قوسا, ول قاۋىپ-قاتەردىڭ جالعاساتىنىن ەسكەرتتى, ونىڭ ىشىندە حوراسان پروۆينتسياسىنداعى دايش مۇشەلەرىنىڭ شابۋىل قاۋپى بار.
بايدەننىڭ ايتۋىنشا, سوڭعى اپتادا اقش كابۋل اۋەجايىنان 28 مىڭعا جۋىق ادامدى ەۆاكۋاتسيالادى. وسىعان قاراماستان, 31 تامىزعا جوسپارلانعان ەۆاكۋاتسيا مەرزىمىن ۇزارتۋدى سۇراپ وتىرعاندار بار.
امەريكا پرەزيدەنتى, باسقا ەلدەردىڭ باسشىلارىمەن مەرزىمدى كەيىنگە قالدىرۋ ءۇشىن كەلىسسوزدەر جۇرگىزىلىپ جاتقانىن ايتتى. سونىمەن قاتار كابۋل اۋەجايىنداعى اقش اسكەريلەرى قاۋىپسىز ايماقتىڭ پەريمەترىن كەڭەيتكەنىن مالىمدەدى.
ء«بىز وزگەرىستەر ەنگىزدىك, سونىڭ ىشىندە اۋەجايدىڭ اينالاسىنداعى كىرۋ ايماعىن - قاۋىپسىز ايماقتى كەڭەيتتىك», دەدى بايدەن.
ول اقش مەملەكەتتىك دەپارتامەنتىنە اۋعانستاندا قالىپ قويعان امەريكالىقتارمەن تەلەفون, ەلەكتروندىق پوشتا جانە باسقا دا بايلانىس قۇرالدارى ارقىلى حابارلاسۋدى تاپسىرعانىن جانە ۆاشينگتوننىڭ ولاردى اۋەجايعا الدىرۋ تۋرالى جوسپارى بار ەكەنىن اتاپ ءوتتى.
سونىمەن قاتار جەكسەنبىدە اقش قورعانىس مينيسترلىگى اۋعانستانعا كومەكتەسۋ ءۇشىن ازاماتتىق رەزەرۆتىك اۋە فلوتى ورنالاستىرىلعانىن حابارلادى. بۇل باعدارلاما بويىنشا اقش-تىڭ ءار ءتۇرلى اۆياكومپانياسىنىڭ 18 كوممەرتسيالىق ۇشاعى ادامداردى قاۋىپسىز ەلدەرگە تاسىمالداۋ ءۇشىن پايدالانىلاتىن بولادى. مۇنداي باعدارلاما ءۇشىنشى رەت قولدانىلىپ وتىر. ول سوڭعى رەت 2003 جىلى اقش-تىڭ يراكقا باسىپ كىرۋى مەن 1990-1991 جىلدارداعى پارسى شىعاناعى سوعىسى كەزىندە قولدانىلعان.
