قوعام • 23 تامىز، 2021

سوتتالعانداردىڭ 64%-ى جۇمىسپەن قامتىلعان – مۇرات بايمۇقاشەۆ

46 رەت كورسەتىلدى

ىشكى ىستەر ءمينيسترىنىڭ ورىنباسارى مۇرات بايمۇقاشەۆ جاۋعاشتى اۋىلىنداعى ايەلدەر كولونياسىنا باردى، دەپ حابارلايدى Egemen.kz.

«قىلمىستىق-اتقارۋ جۇيەسىن رەفورمالاۋ اياسىندا ىشكى ىستەر ءمينيسترىنىڭ ورىنباسارى مۇرات بايمۇقاشەۆ ومبۋدسمەن ەلۆيرا ازيموۆامەن، سونداي-اق باسقا دا الەۋمەتتىك بەلسەندىلەرمەن بىرگە الماتى وبلىسىنداعى لا-155/4 ايەلدەر كولونياسىندا بولدى. ىشكى ىستەر مينيسترلىگى باستىعىنىڭ ورىنباسارى مەكەمەدەگى ايەلدەر مەن ولاردىڭ «بالا ۇيىندە» جاتقان نارەستەلەرىن ۇستاۋ شارتتارىمەن، مەديتسينالىق كومەكپەن، سونداي-اق كولونيا اۋماعىندا ءوندىرىستىڭ دامۋىمەن تانىستى»، دەدى ءىىم ءباسپاسوز حاتشىسى ءنۇردىلدا وراز دەپارتامەنتتە وتكەن بريفينگتە.

لا-155/4 مەكەمەسى - 3 جاسقا دەيىنگى بالالاردى اناسىنان اجىراتپاۋ ءۇشىن «بالا ءۇيى» جۇمىس ىستەيتىن قازاقستانداعى جالعىز كولونيا. قازىرگى ۋاقىتتا بالالار ۇيىندە 31 بالا تاربيەلەنىپ جاتىر، ولاردىڭ 11-ءى بيىل تۋعان.

«ادام قۇقىقتارى سالاسىنداعى ساراپشىلار بالا 3 جاسقا تولعاننان كەيىن دە اناسىمەن بىرگە بولۋ مەرزىمىن ۇزارتۋ ماسەلەسىن قاراپ جاتىر. بۇل شارا ەۋروپالىق ەلدەرىندە قولدانىلادى. ەگەر بالا ءۇش جاسقا تولعان كەزدە اناسىنىڭ قالعان جازا مەرزىمى 1 جىلدان اسپاسا، بالانى جانىندا ۇستاۋعا رۇقسات بەرىلەدى. بۇل بالانى اناسىنان ەرتە اجىراتپاۋعا مۇمكىندىك بەرەدى، بۇل ەكەۋىنىڭ دە ەموتسيونالدى جاعدايىنا جاقسى اسەر ەتەدى»، دەدى ن.وراز.

ىشكى ىستەر مينيسترلىگىنىڭ ورىنباسارى سوتتالعاندار ءۇشىن جۇمىس ورنىن ۇلعايتۋ ماڭىزدى ەكەنىن ايتتى.

«ەڭبەك-جاۋعاشتى» رمك فيليالى جۇمىس ىستەيتىن كولونيانىڭ وندىرىستىك بولىگىندە بولدىم، وندا سوتتالعانداردىڭ شامامەن 64%-ى جۇمىسپەن قامتىلعان. جۇمىستىڭ نەگىزگى بولىگى تىگىن وندىرىسىنە باعىتتالعان، مۇندا ورتاشا ەسەپپەن جىلىنا 230 مىڭعا جۋىق ءونىم شىعارىلادى. قازىر ءبىز سوتتالعانداردىڭ، ونىڭ ىشىندە ايەلدەر كولونياسىنىڭ فورماسىن وزگەرتۋ تۋرالى ۇسىنىستى قاراستىرىپ جاتىرمىز. جاڭا كيىمدەردى شىعارۋ مەكەمە اۋماعىنداعى تىگىن شەبەرحانالارىنا جۇكتەلەدى»، دەدى مۇرات بايمۇقاشەۆ.

سوڭعى جاڭالىقتار

الماتىدا تروللەيبۋس ورتەندى

وقيعا • 24 ماۋسىم، 2022

تۇركپا-نىڭ اتاۋى وزگەرەدى

پارلامەنت • 24 ماۋسىم، 2022

ۇقساس جاڭالىقتار