سەمەي قالالىق تجب ءباسپاسوز قىزمەتىنىڭ مالىمدەۋىنشە, اعىمداعى جىلدىڭ 22 تامىزىندا ساعات 01:31-دە شىعىس ساياجاي ماسسيۆىندە جەر ءۇي ورتەنىپ جاتقانى تۋرالى اقپارات كەلىپ ءتۇستى.
ء«ورت سوندىرۋشىلەر وقيعا ورنىنا كەلگەندە ءۇيدىڭ اعاش قابىرعالارى, ەدەنى جانە توبە جابىندىلارى, ەسىك جانە تەرەزە بلوكتارى, جيھازدارى مەن جەكە زاتتارى ورتەنگەن. ءورتتىڭ جالپى الاڭى 20 شارشى مەتر. وكىنىشكە وراي, ادام ءولىمى ورىن الدى. بارلاۋ بارىسىندا زال بولمەدە ورتەنىپ كەتكەن ايەل ادامنىڭ ءمايىتى تابىلدى. ءورت سوندىرۋشىلەر كەلگەنگە دەيىن 7 ادام, سونىڭ ىشىندە 2 بالا ۇيدەن وزدەرى شىعىپ ۇلگەرگەن», دەدى ءباسپاسوز قىزمەتى.
ءورت شىعۋىنىڭ الدىن الا بولجامى بويىنشا, ەلەكتر قوندىرعىلارىن دۇرىس ورناتىلماۋى, تەمەكى شەگۋ كەزىندە وتتى ۇقىپسىز پايدالانۋ سەبەپ بولۋى مۇمكىن.
