جارىلىس بولعان پلاتفورما مەكسيكانىڭ سيۋداد-دەل-كارمەن قالاسىنان 100 شاقىرىم جەردە ورنالاسقان.
«Pemex مالىمەتىنشە, ساعات 16:30 شاماسىندا كامپەچە ايماعىندا ورنالاسقان Ku-Maloob-Zaap وندىرىستىك كەشەنىنىڭ E-Ku-A2 پلاتفورماسىندا شىققان ءورت وقشاۋلاندى», دەلىنگەن كومپانيانىڭ Twitter-پاراقشاسىندا.
الدىن الا مالىمەتكە سايكەس, وقيعا گاز بەن مۇنايدى باسقا مۇناي نىساندارىنا تاراتۋ ورتالىعىندا بولعان.
بۇل Pemex كومپانياسىنىڭ ەڭ ءىرى شيكى مۇناي ءوندىرۋشىسى. مۇندا كۇندەلىكتى وندىرىلەتىن 40 ميلليون باررەلدىڭ 1,7 پايىزىنان استامى وندىرىلەدى.
شىلدەنىڭ باسىندا وسى مۇناي ءوندىرۋ كەشەنىندەگى Ku-Charly پلاتفورماسىندا سۋ استىنداعى گاز قۇبىرىنىڭ بۇزىلۋىنا بايلانىستى ءورت بولدى. الدىن الا اقپارات بويىنشا, ءورتتىڭ سەبەبى تەڭىز پلاتفورمالارى اراسىنداعى قۇبىرداعى رەتتەۋشى كلاپاننان 78 مەتر تەرەڭدىكتە كومىرسۋتەك شىققان. ءورت دەر كەزىندە ءسوندىرىلىپ, ەشكىم زارداپ شەككەن جوق.
