ەكونوميكا • 23 تامىز، 2021

قازاقستان مەن كاتار اراسىنداعى ساۋدا كولەمى ءوستى

قازاقستان-كاتار ىسكەرلىك كەڭەسىنىڭ وتىرىسىندا ۇلتتىق ەكونوميكا ۆيتسە-ءمينيسترى الىبەك قۋانتىروۆ ەكىجاقتى ىنتىماقتاستىقتىڭ پەرسپەكتيۆالىق باعىتتارى تۋرالى ايتتى، دەپ جازادى Egemen.kz.

دانا مىرزاقادىر

ۆيتسە-مينيستر قازاقستان كاتاردى اراب تۇبەگى ەلدەرى اراسىنداعى ماڭىزدى ارىپتەس رەتىندە قاراستىراتىنىن ەسكە سالدى. ونىڭ ايتۋىنشا، بۇگىندە ەلدەر اراسىندا تۇراقتى جانە قارقىندى دامىپ كەلە جاتقان ساۋدا-ەكونوميكالىق بايلانىس ورناتىلعان. سوڭعى 8 جىلدا قازاقستان مەن كاتار اراسىنداعى ساۋدا كولەمى 9 ەسەگە جۋىق ءوستى.

ء«بىز قارجى جانە بانكينگ سالاسىندا، ونىڭ ىشىندە «استانا» حالىقارالىق قارجى ورتالىعىنىڭ پلاتفورماسىندا، اۋىل شارۋاشىلىعى، جەر قويناۋىن پايدالانۋ، جۇك-جولاۋشىلار اۋە تاسىمالى، قورعانىس-ونەركاسىپ كەشەنى، گۋمانيتارلىق سالادا ەلەۋلى پەرسپەكتيۆالاردى كورىپ وتىرمىز»، دەدى ۇلتتىق ەكونوميكا ءمينيسترىنىڭ ورىنباسارى.

ۆيتسە-مينيستر وتىرىسقا قاتىسۋشىلاردى قازاقستانداعى اعىمداعى ەكونوميكالىق جاعدايمەن تانىستىردى. اعىمداعى جىلعى 7 ايدا قازاقستان ەكونوميكاسى 2،7%-كە وسكەنىن كورسەتتى.

سونىمەن قاتار ۆەدومستۆو باسشىسىنىڭ ورىنباسارى ينۆەستورلاردى قولداۋدىڭ جاڭا قۇرالى – ينۆەستورلارعا 25 جىلعا جەكە قولداۋ شارالارىن قاراستىراتىن ينۆەستيتسيالار تۋرالى كەلىسىم جايىندا مالىمدەدى.

«حالىقارالىق ساراپشىلار قازاقستان ەكونوميكاسىنداعى مەملەكەتتىك قارجى مەن كرەديتتىك بەيىننىڭ تۇراقتىلىعىنا قاتىستى وڭ ۇردىستەردى اتاپ وتۋدە. Moody's رەيتينگتىك اگەنتتىگى وسى جىلى 2006 جىلدان بەرى العاش رەت قازاقستاننىڭ تاۋەلسىز رەيتينگىن Baa3-تەن Baa2-گە دەيىن كوتەردى: بولجام «تۇراقتى». بيىل قازاقستان IMD جاھاندىق باسەكەگە قابىلەتتىلىك رەيتينگىندە الدىڭعى 35 ەلدىڭ قاتارىنا كىرىپ، وتكەن جىلعى رەيتينگپەن سالىستىرعاندا 7 تارماققا كوتەرىلدى»، دەدى قۋانتىروۆ.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز