قازىرگى ۋاقىتتا قاراعاندى, تەمىرتاۋ, جەزقازعان, ساتباەۆ قالالارىندا, اباي جانە وساكاروۆ اۋداندارىندا اۋرۋشاڭدىقتىڭ جوعارى كورسەتكىشى بايقالعان. ال جالپى وبلىس بويىنشا پاندەميا باستالعاننان بەرى 76 347 ادامنىڭ كۆي جۇقتىرعانى زەرتحانالىق تۇرعىدا راستالىپ, رەسمي تىركەلگەن ەكەن.
– كوروناۆيرۋس ينفەكتسياسى بويىنشا ەپيدەميالىق جاعدايدىڭ شيەلەنىسۋىنە جانە وبلىس تۇرعىندارى اراسىندا «دەلتا» شتامىنىڭ قارقىندى تارالۋىنا, سونداي-اق كلينيكالىق سيمپتومدارى بار ناۋقاستاردىڭ كوبەيۋىنە بايلانىستى, مەنشىك نىسانىنا قاراماستان Ashyq جوباسىنا قاتىسپايتىن بارلىق كاسىپورىندار مەن ۇيىمداردىڭ قىزمەتىن توقتاتا تۇرۋدى جالعاستىرۋ تۋرالى شەشىم قابىلداندى. مۇنىڭ تەك تىرشىلىكتى قامتاماسىز ەتۋ جانە بايلانىسسىز قىزمەت كورسەتۋ نىساندارى مەن قۇقىق قورعاۋ جانە مەملەكەتتىك ورگاندارعا عانا قاتىسى جوق. بۇعان قوسا Ashyq قوسىمشاسىنا قاتىسۋشىلار سەنبى جانە جەكسەنبى كۇندەرى قىزمەتىن توقتاتادى, – دەدى يۋ.زالىگين.
بۇل دەگەنىڭىز – قاراعاندى وبلىسى بويىنشا تامىز ايىنىڭ 21-نەن باستاپ كارانتيندىك شەكتەۋلەردى جۇمسارتپاۋ جونىندەگى جاڭا قاۋلى كۇشىنە ەنەدى دەگەن ءسوز.
الدا جاڭا وقۋ جىلى كەلە جاتىر. وبلىستىڭ باس سانيتارلىق دارىگەرى وقۋ جىلىن شتاتتىق رەجىمدە باستاۋ ءۇشىن بارلىق ءبىلىم بەرۋ ۇيىمدارىندا Ashyq جوباسى جۇيەسىن ەنگىزۋدىڭ قاجەتتىلىگىن اتاپ ءوتتى. مەديتسينالىق قارسى كورسەتىلىمدەرى بار نەمەسە سوڭعى ءۇش ايدا كۆي-مەن اۋىرعانداردى قوسپاعاندا, 18-دەن جانە ودان جوعارى جاستاعى ستۋدەنتتەر ۆاكتسينا الۋى ءتيىس. ال جاتاقحانالارعا تەك ۆاكتسينالاۋدان وتكەن ستۋدەنتتەر عانا ورنالاسا الادى.
بريفينگتە وبلىستاعى بارلىق مەكتەپتە باستاۋىش, ورتا جانە جوعارى سىنىپ وقۋشىلارى ءۇشىن بولەك ەسىكتەر بولۋىنىڭ تالاپ ەتىلەتىنى ايتىلدى. كوللەدجدەر مەن جوعارى وقۋ ورىندارىندا بارلىق كىرۋ-شىعۋ جولدارىن ىسكە قوسۋ قاجەت بولادى.
سونداي-اق ءبىلىم بەرۋ ۇيىمدارى ءۇشىن بىرقاتار تالاپ بەلگىلەندى. مىسالى, قىزمەتكەرلەر مەن ءبىلىم الۋشىلار كۇندەلىكتى سۇزگىدەن وتكىزىلەدى. دارىستەردى قوسپاعاندا, كەز كەلگەن بۇقارالىق ءىس-شارالاردى وتكىزۋگە تىيىم سالىنادى. كابينەتتىك وقىتۋ جۇيەسى توقتاتىلىپ, ءۇي-جايلاردى مىندەتتى تۇردە جەلدەتىپ وتىرۋ جانە باسقا دا قاۋىپسىزدىك شارالارى تالاپ ەتىلەدى.
يۋ.زالىگين قاراعاندى وبلىسىنىڭ تۇرعىندارى كوروناۆيرۋس ينفەكتسياسىن قاي جەردە ءجيى جۇقتىراتىنى تۋرالى دەرەكتەردى جاريا ەتتى.
– اۋرۋدى قولدايتىن فاكتورلاردىڭ ىشىندە ء«ۇي وشاعى» بويىنشا بايلانىس ءبىرىنشى ورىن الادى. مۇنىڭ ۇلەسى 30%-دى قۇراپ وتىر. قوعامدىق كولىكتى پايدالانۋداعى ۇلەس – 18%, ال ساۋدا ۇيلەرى مەن ورتالىقتارعا بارعاندار اۋىرعانداردىڭ 16%-ىن قۇراعان. انىقتالماعان فاكتورلارى بار جاعدايلاردىڭ ۇلەس سالماعى 19%-عا دەيىن ارتقان. بۇل ناۋقاستاردىڭ كوپ ادامدار قاتىسقان تويلارعا جانە باسقا دا ءىس-شارالارعا قاتىسقاندارىن جاسىرعانىن جاناما تۇردە راستايدى, – دەدى ول.
بۇدان نەنى اڭعارۋعا بولادى؟ بۇل اۋرۋدىڭ نەگىزگى وشاعى توي-تومالاق جانە باسقا دا وتباسىلىق جيىندار ەكەنىن كورسەتەدى.
وبلىستىڭ باس سانيتارلىق دارىگەرى 60 جاستان اسقان ادامداردىڭ اۋرۋعا ءجيى ۇشىراپ جاتقانىن ايتتى. ولار بارلىق تىركەلگەن كۆي جاعدايلارىنىڭ 23%-ىن قۇرايدى ەكەن. ايتا كەتەتىن تاعى ءبىر جايت, كوممەرتسيالىق سالا قىزمەتكەرلەرى اراسىندا اۋرۋشاڭدىق ەكى ەسە وسكەن. وكىنىشكە قاراي, كوروناۆيرۋس ينفەكتسياسىن جۇقتىرعان مەكتەپ وقۋشىلارىنىڭ سانى دا ارتا ءتۇسىپتى.
وبلىستا كارانتيندىك شەكتەۋلەر ءتارتىبىن بۇزعاندارمەن كۇرەس تە قىزۋ جۇرگىزىلىپ جاتىر. جىل باسىنان بەرى 500-دەن اسا جوسپاردان تىس تەكسەرۋ جۇرگىزىلىپتى. قۇقىق قورعاۋ ورگاندارىنان سانەپيدقىزمەتكە 1 100-دەن اسا ماتەريال كەلىپ تۇسكەن. بيزنەس نىساندارىنا جالپى سوماسى 111 ملن تەڭگەدەن اساتىن 1 387 ايىپپۇل سالىنىپتى.
وبلىس بويىنشا Ashyq جوباسىنىڭ كومەگىمەن 4 753 قۇقىقبۇزۋشى انىقتالعان ەكەن. ونىڭ ىشىندە 3 946 ادامنىڭ «قىزىل» مارتەبەسى, ال 807-ءسىنىڭ «سارى» مارتەبەسى بولعان. ءۇي كارانتينىن بۇزعانى ءۇشىن 58 ادامعا جالپى سوماسى 2,5 ملن تەڭگەدەن اسا ايىپپۇل سالىنىپتى. يۋ.زالىگين «قىزىل» مارتەبەسى بار كارانتيندى بۇزۋشىلاردىڭ ەسىمدەرى سانيتارلىق-ەپيدەميولوگيالىق باقىلاۋ دەپارتامەنتىنىڭ سايتىندا جانە باق-تا جاريالاناتىنىن ەسكەرتتى. بىراق وسىنداي شارالارعا قاراماستان, توي مەن اس وتكىزۋ سياقتى وتباسىلىق جيىنداردىڭ تىيىلماي تۇرعانى قىنجىلتادى.
– بۇقارالىق ءىس-شارالاردى وتكىزۋگە تىيىم سالىنعانىنا قاراماستان, بۇزۋشىلىقتار ازايماي تۇر. كەيبىر تۇرعىندار باس مەملەكەتتىك سانيتارلىق دارىگەرى قاۋلىسىنىڭ بارلىق تالاپتارىن ەلەمەي, توي, قۇدالىق, مەرەيتوي سالتاناتتارىن ۇيىمداستىرادى. تاعى دا ەسكە سالعىم كەلەدى: وسىنداي ءىس-شارالارمەن ءسىز ءوزىڭىزدىڭ دەنساۋلىعىڭىزعا عانا ەمەس, جاقىندارىڭىزدىڭ دەنساۋلىعىنا دا قاۋىپ توندىرەسىز. ويتكەنى بىرەۋ جاسىنا نەمەسە دەنساۋلىعىنا بايلانىستى كوروناۆيرۋس ينفەكتسياسىنا قارسى تۇرا المايدى, – دەپ اتاپ ءوتتى يۋ.زالىگين.
بريفينگتىڭ سوڭىندا وبلىستىڭ باس سانيتارلىق دارىگەرى قاراعاندىلىقتاردى كوروناۆيرۋس ينفەكتسياسىنا قارسى ۆاكتسينا سالدىرۋعا, ال اۋىرا قالعان جاعدايدا ءوزىن ءوزى ەمدەمەي, بىردەن دارىگەردىڭ كومەگىنە جۇگىنۋگە شاقىردى.
قاراعاندى وبلىسى
