وسىلايشا, موبيلدىك توپتار رەيد بارىسىندا تۇنگى ساعات 22.32-دە يمانوۆ كوشەسىندە كەلۋشىلەردى قابىلداپ وتىرعان «شاشلىكوفف» لاۋندج بارىن انىقتادى. ونىڭ ىشىندە 40-قا جۋىق كليەنت بولعان. بۇعان دەيىن بۇل مەكەمە كارانتين رەجيمىن بۇزعانى ءۇشىن بىرنەشە رەت جاۋاپقا تارتىلعان.
سونداي-اق «ەسىل» اۋدانى بويىنشا كەشكى ۋاقىتتا توي وتكىزىلىپ جاتقانى انىقتالعان. «حان تالاپاي» مەيرامحاناسىنىڭ اكىمشىلىگى سانيتارلىق تالاپتاردى ورىنداماي, وتباسىلىق مەرەكەگە 120 قوناق كىرگىزگەن.
بۇدان باسقا, ساعات 23.50-دە «102» نومىرىنە تەلەفون سوققان ەلوردا تۇرعىنى تۇران داڭعىلىنداعى «سلاۆيك» ءدامحاناسىنىڭ جۇمىس ىستەپ, تۇرعىندارعا تىنىشتىق بەرمەي وتىرعانىن حابارلادى. اتالعان فاكت «YEDILOV ONLINE» تەلەگرام-ارناسىندا جاريالانعان. وقيعا ورنىنا موبيلدىك توپ جىبەرىلدى. تەكسەرۋ كەزىندە كوڭىل كوتەرۋ ورنىنىڭ جاسىرىن جۇمىس ىستەپ وتىرعانى, كىرەبەرىس ەسىگى جابىق ەكەنى انىقتالدى. ەلوردا تۇرعىنى تۇسىرگەن ۆيدەو نەگىزگە الىنىپ, كىنالى ازاماتتاردى جاۋاپقا تارتۋ ءۇشىن جينالعان ماتەريالعا قوسا تىركەلەدى. وتكەن تاۋلىك ىشىندە موبيلدىك توپتار كاسىپكەرلىكتىڭ 70 نىسانىن تەكسەرىپ, كارانتين رەجيمىن بۇزۋدىڭ 10 فاكتىسىن انىقتادى.
نۇر-سۇلتان قالاسىنىڭ پوليتسيا دەپارتامەنتى كارانتين تالاپتارىن بۇزۋ ءۇشىن ارتىلاتىن جاۋاپكەرشىلىك تۋرالى ەسكەرتىپ, قالا تۇرعىندارىن سانيتارلىق نورمالاردى ورىنداۋىن سۇرايدى.
