16 تامىزدا بيزنەس ءۇشىن, سونىڭ ىشىندە Ashyq جوباسىنا قاتىسۋشىلار ءۇشىن دەمالىس كۇنى لوكداۋن ەنگىزۋ جونىندەگى ۋاعدالاستىقتاردىڭ مەرزىمى اياقتالدى. ۇكپ مالىمەتىنشە, جوبادا 111 مىڭنان اسا بيزنەس سۋبەكتى جۇمىس ىستەيدى. انىقتالعان كارانتيندى بۇزۋشىلار سانى 46 مىڭعا دەيىن ارتتى. جۇمىس كۇندەرى «قىزىل» ستاتۋسى بار 2 مىڭنان اسا كەلۋشى تۇراقتى تۇردە انىقتالىپ جاتىر.
ۆاكتسينالاۋ قارقىنى بويىنشا قىزمەت كورسەتۋ سالاسىنداعى قىزمەتكەرلەردىڭ جارتىسىنان كوبى ءبىرىنشى كومپونەنتىن سالدىردى – 55%-ى ەگىلدى.
ۇكىمەت وتىرىسىندا دەنساۋلىق ساقتاۋ ءمينيسترى الەكسەي تسوي قازاقستانداعى ەپيدەميولوگيالىق جاعدايدىڭ بىرتىندەپ تۇراقتالعانىن, 1 تامىزدان باستاپ رەسپۋبليكادا كوروناۆيرۋس ينفەكتسيانىڭ تارالۋ يندەكسى 14%-عا – 1,11-دەن 0,97-گە دەيىن تومەندەگەنىن مالىمدەدى. ۆەدومستۆو باسشىسى تىيىم سالۋلارعا قاراماستان قازاقستاندىقتار بۇرىنعىسىنشا توي, ەسكە الۋ جانە بانكەتتەر ۇيىمداستىراتىنىن اتاپ ءوتتى.
سوڭعى ەكى اپتا ىشىندە «اتامەكەن» ۇكپ الاڭىندا بيزنەستىڭ, سانيتار دارىگەرلەردىڭ, تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگى ماماندارىنىڭ قاتىسۋىمەن بىرقاتار ونلاين-كونفەرەنتسيا ءوتتى. ەكونوميكانىڭ زارداپ شەككەن سەكتورلارىن باعالاۋ ءۇشىن كاسىپكەرلەردەن ساۋالناما الۋ باستالدى. «Ashyq كوشباسشىلارى» كريتەريلەرىن قايتا قاراۋ بويىنشا ۇسىنىستار ازىرلەندى, جوبادان اۋتسايدەرلەردى, چەكين جاساماعان جانە قاتىسۋ ەرەجەلەرىن بۇزاتىن كاسىپكەرلەردى الىپ تاستاۋ تەتىگى پىسىقتالدى. قىزمەتكەرلەردى ۆاكتسينالاۋدى تەكسەرۋ الگوريتمى بويىنشا بيزنەستىڭ پىكىرى جينالدى.
كاسىپكەرلەر «اتامەكەن» ۇكپ الاڭى ارقىلى ۇكىمكەت جولداعان نەگىزگى مەسسەدج (حابارلاما): كاسىبىن ادال جۇرىگىزىپ جاتقان بيزنەس قوعام, كليەنت جانە پەرسونال الدىنداعى جاۋاپكەرىشىلىكتى ءتۇسىنىپ, قولدانىستاعى شەكتەۋلەرگە جاۋاپپەن قاراۋعا دايىن. وسى رەتتە كولەڭكەدەن گورى, اشىق جۇمىس ىستەۋ تيىمدىرەك بولۋى ءتيىس.
جينالعان ۇسىنىستاردى تالداۋ نەگىزىندە ۇلتتىق كاسىپكەرلەر پالاتاسى 2021 جىلدىڭ 21 تامىزىنان باستاپ:
- اshyq جوباسىنا قاتىسۋشىلارعا سەنبى كۇندەرى ساعات 22:00-گە دەيىن, جوبا ليدەرلەرىنە (قىزىل ايماقتا) ساعات 24:00-گە دەيىن جۇمىس ىستەۋگە رۇقسات ەتۋ;
- قاراعاندى وبلىسى اكىمدىگىنىڭ باستاماسى بويىنشا قاراعاندى قالاسىندا «Covid-free» پيلوتىن ىسكە قوسۋ («جاسىل» ستاتۋسى بار كەلۋشىلەر مەن پەرسونال ءۇشىن قوعامدىق تاماقتانۋ ورىندارىنا ساعات 02.00-گە دەيىن جۇمىس ىستەۋگە رۇقسات بەرۋ);
- «جاسىل» ستاتۋسى بار قازاقستاندىقتار ءۇشىن توي وتكىزۋگە رۇقسات ەتۋ ء(ىس-شارانى الدىن الا تىركەۋ بويىنشا جانە بارلىق پەرسونال ۆاكتسيناتسيا سالدىرعان مەكەمەدە 100 ادامعا دەيىن).
ۇكپ شەشىم شىعارعان كەزدە بارلىق ايماقتا Ashyq بويىنشا جۇمىس ىستەيتىن سۋبەكتىلەر ءۇشىن باس مەملەكەتتىك سانيتار دارىگەردىڭ بىرىڭعاي قاۋلىسىن باسشىلىققا الۋعا شاقىرادى. ۇلتتىق پالاتا جاۋاپتى بيزنەستىڭ Ashyq جۇيەسى ارقىلى كارانتيندى بۇزۋشىلاردى انىقتاۋ جونىندەگى بىرلەسكەن ءىس-قيمىلدارى مەن ۆاكتسينالاۋ ناۋقانى سىرقاتتانۋشىلىق بويىنشا جاعدايدى تۇراقتاندىرۋعا كومەكتەسەتىنىنە سەنىمدى. كەرىسىنشە, ءتۇرلى تىيىمدى ەنگىزۋ كاسىپكەرلىك سۋبەكتىلەرىن «باسقا جولداردى» ىزدەۋگە ودان ءارى يتەرمەلەيدى. بۇل ينفەكتسيانىڭ جاڭا ىقتيمال وشاقتارىن تۋدىرادى.
ۇلتتىق پالاتا «باسقا جولداردىڭ» ءالى دە جويىلماعانىن اتاپ وتەدى. وكىنىشكە قاراي, ءىشىنارا لوكداۋن ەنگىزۋ ارقىلى پاندەميامەن كۇرەسۋ ارەكەتتەرى وڭ ناتيجە بەرمەي وتىر.
