وبلىس اكىمىنىڭ ورىنباسارى ەرجان نۇرباەۆتىڭ توراعالىعىمەن وتكەن كوميسسيا وتىرىسىندا بىرقاتار وزەكتى ماسەلە قارالدى. ونىڭ ءبىرى – الداعى جىلىتۋ ماۋسىمىندا تۇرعىن ۇيلەردىڭ ءورت قاۋىپسىزدىگىن قامتاماسىز ەتۋ.
جىل باسىنان بەرى وبلىستا 950 ءورت تىركەلىپ, 582 جەر ءۇيدى جالىن شارپىعان. ءتىلسىز جاۋدان 33 ادام مەرت بولىپ, ءيىس تيگەن 56 ادام اۋرۋحاناعا جەتكىزىلدى.
كوپ جاعدايدا ءورتتىڭ شىعۋىنا – وتتى ابايسىز قولدانۋ (249 وقيعا), پەش پايدالانۋ كەزىندە قاۋىپسىزدىك تالاپتارىن ساقتاماۋ (160), ەلەكتر جابدىقتارىن مونتاجداۋ جانە پايدالانۋ ەرەجەلەرىن بۇزۋ (81) سەبەپ بولعان.
«جىلىتۋ ماۋسىمىنا دايىندىق جۇمىستارى شىلدە ايىندا باستالعان. وبلىس بويىنشا بارلىعى 238 110 جەكە تۇرعىن ءۇي بار. ءورت وقيعالارىن بولدىرماس ءۇشىن حالىق اراسىندا ءتۇسىندىرۋ جۇمىستارى ءجۇرىپ جاتىر. قۇتقارۋشىلار, اسىرەسە الەۋمەتتىك وسال توپتاعى 8172 وتباسىعا ەرەكشە نازار اۋدارعان», دەپ جازادى شقو توتەنشە جاعدايلار دەپارتامەنتى ءباسپاسوز قىزمەتى.
