فوتو: Paola Chiomante / Reuters
ۇلتتىق داۋىل ورتالىعىنىڭ مالىمەتىنشە, داۋىل كانكۋننىڭ وڭتۇستىگىندە ورنالاسقان تۋلۋم ماڭىنداعى جاعالاۋعا تاڭعى ساعات 4:45 شاماسىندا جەتكەن.
NHC حابارلاۋىنشا, «گرەيس» تسيكلونى يۋكاتاننىڭ شىعىس جاعالاۋىنىڭ كوپ بولىگىنە, سونىڭ ىشىندە كانكۋن, كوزۋمەل جانە پۋنتا ەررەروعا ەكىپىنى قاتتى جەل, قاۋىپتى داۋىل مەن نوسەر جاڭبىر اكەلەدى.
سەيسەنبىدەن باستاپ بۇل ايماققا داۋىل تۋرالى ەسكەرتۋ جاسالدى, ويتكەنى تسيكلون باتىسقا قاراي جىلجىپ كەلەدى.
پلايا-دەل-كارمەندە جەل ساعاتىنا 85 ميل, كانكۋندا جەلدىڭ ساعاتىنا 80 ميل جىلدامدىقپەن سوقتى.
يۋكاتان تۇبەگىنىڭ ورتالىق جانە سولتۇستىك بولىكتەرىندە 4 ديۋيمنەن 8 ديۋيمگە دەيىن جاۋىن-شاشىن ءتۇسۋى مۇمكىن. ونىڭ سۋ تاسقىنىنا اكەلۋ قاۋپى جوعارى.
قازىر كينتانا-روودا كەمىندە 125 تۋريست قوناقۇيلەردەن ەۆاكۋاتسيالاندى.
جەرگىلىكتى ۇكىمەت سەگىز مۋنيتسيپاليتەت ءۇشىن «ەڭ جوعارى تاۋەكەلدى» بىلدىرەتىن قىزىل ەسكەرتۋ جاريالادى, ونىڭ ىشىندە: فەليپە كارريللو پۋەرتو, تۋلۋم, سوليدەريداد, پۋەرتو مورەلوس, بەنيتو حۋارەس, لازارو كاردەناس, يسلا مۋحەرەس جانە كوزۋمەل بار.
