بۇگىنگى تاڭدا ەلىمىزدەگى بارلىق مەكتەپ وقۋشىلاردىڭ فۋنكتسيونالدىق ساۋاتتىلىعىن دامىتۋعا باعىتتالعان جاڭارتىلعان مازمۇن بويىنشا جۇمىس ىستەيدى. سوندىقتان ورتا ءبىلىم بەرۋدى سىرتتاي باعالاۋ مودەلى جەتىلدىرىلدى. ەندى وجسب - وقۋ جەتىستىكتەرىن سىرتتاي باعالاۋدىڭ ورنىنا ءبىلىم الۋشىلاردىڭ ءبىلىم جەتىستىكتەرىن مونيتورينگتەۋ (مودب) ەنگىزىلەتىن بولادى. بۇعان دەيىن وقۋ جەتىستىكتەرىن سىرتتاي باعالاۋ فۋنكتسيونالدىق ساۋاتتىلىقتى ەمەس, پاندىك ءبىلىمدى ولشەۋ ارقىلى جۇرگىزىلگەن بولاتىن.
ايتا كەتەيىك, مودب مەملەكەتتىك باقىلاۋ نىسانى ەمەس جانە ءبىلىم الۋشىلار, وقىتۋشىلار مەن ءبىلىم بەرۋ ۇيىمدارى ءۇشىن زاڭدى سالدارى جوق. ءاربىر مەكتەپ مودب قورىتىندىسى بويىنشا ءبىلىم الۋشىلاردىڭ وقۋ جەتىستىگى تۋرالى اقپارات الادى. ءبىلىم بەرۋ ۇيىمدارىندا وقىتۋ مەن وقىتۋدى دامىتۋ تۋرالى ۇسىنىس بەرىلەدى.
