سقو سانيتاريالىق-ەپيدەميولوگيالىق باقىلاۋ دەپارتامەنتىنىڭ جەتەكشىسى اسەت جۇماتاەۆتىڭ ايتۋىنشا, مونيتورينگتىك توپتار پەتروپاۆل مەن 13 اۋداندا سوڭعى ەكى اپتادا 142 رەت رەيدكە شىققان.
وسى ارالىقتا 1433 نىساندى تەكسەرىپ, 30-ىندا كارانتين شەكتەۋلەرىن بۇزۋ دەرەكتەرى بەلگىلى بولدى.
«قىزىلجار مەن عابيت مۇسىرەپوۆ اتىنداعى ەكى اۋداننان باسقاسىندا مونيتورينگتىك توپتاردىڭ جۇمىس ناتيجەسى كورىنبەيدى. جالپى وسى ارالىقتا اكىمشىلىك قۇقىقبۇزۋشىلىق بويىنشا 38 حاتتاما تولتىرىلدى. ونىڭ 35-ءى جەكە تۇلعالارعا, 3-ءۋى – جەكە كاسىپكەرلەرگە قاتىستى. ايىپپۇلدىڭ ورتاق مولشەرى – 2,7 ملن تەڭگە», دەدى اسەت جۇماتاەۆ.
ءۇي كارانتينىن بۇزعاندار دا جاۋاپقا تارتىلىپ جاتىر. ءۇي كارانتينى تالابىن بۇزىپ, قوعامدىق ورىنداردا بولعاندار Ashyq ارقىلى انىقتالىپ جاتىر.
