21 قاڭتار، 2014

جۇرت جانىنا جاقىن

124 رەت كورسەتىلدى

مەملەكەت باسشىسىنىڭ ءداستۇرلى جولداۋىن شىعىسقازاقستاندىقتار جان-جاقتى قۋاتتاۋدا. سونىڭ ءبىرى وبلىستىق دوستىق ۇيىندە ەتنومادەني بىرلەستىك وكىلدەرىنىڭ قاتىسۋىمەن ءوتتى.

 

مەملەكەت باسشىسىنىڭ ءداستۇرلى جولداۋىن شىعىسقازاقستاندىقتار جان-جاقتى قۋاتتاۋدا. سونىڭ ءبىرى وبلىستىق دوستىق ۇيىندە ەتنومادەني بىرلەستىك وكىلدەرىنىڭ قاتىسۋىمەن ءوتتى.

جيىندا «قازاقستان جولى – 2050: ءبىر ماقسات، ءبىر مۇددە، ءبىر بولاشاق» اتتى ەلباسى جولداۋى – ەلىمىزدىڭ ۇزاقمەرزىمدى «قازاقستان-2050» ستراتەگياسىن جۇزەگە اسىرۋدىڭ جالعاسى بولاتىن بىرەگەي باعدارلاما ەكەندىگى اڭگىمە وزەگىنە اينالدى. ياعني، بۇل قۇجات ارقىلى قازاقستاندىقتاردىڭ ءال-اۋقاتىن جاقسارتۋدى كەزەڭ-كەزەڭىمەن جۇزەگە اسىرۋ مىندەتى تۇر.

قازاقستان حالقى اسسام­بلەيا­سىنىڭ مۇشەسى، ارميان ەتنومادەني بىرلەستىگىنىڭ توراعاسى كارەن ناري­مانياننىڭ قازاق جەرىن مەكەن ەتىپ كەلە جاتقانىنا – 48 جىل. وسى جار­تى عاسىرعا جۋىق ۋاقىتتى وي ەلە­گىنەن وتكىزگەن ول ەلىمىزدىڭ جاڭا عاسىردا جاڭا دەڭگەيگە كوتەرىل­گەنىن جەتكىزدى. ەلباسى جولداۋى – مەملەكەتتىڭ جالپى ساياسي-ەكونوميكالىق دامۋىن قالىپتاپ، نەگىزدەپ وتىراتىن تۇراقتى دامۋ باعدارلاماسىنا اينالعانىن اتاپ ءوتتى.

– ءبىز دوستىق ۇيىندە وسى ساياساتقا سۇيەنىپ، ەڭبەك ەتەمىز. ويتكەنى، پرەزيدەنت ساياساتى ەشكىمدى الالامايتىن، وزەككە تەپپەيتىن ەلدە تۇراتىنىمىزعا كەپىلدىك بەرەدى، كوڭىلىمىزگە سەنىم ۇيالاتادى. ءبىزدىڭ تالانتتى، دارىندى جاستارىمىز ءوسىپ كەلەدى. سوندىقتان، ءبىلىم سالاسىنا قۇيىلعان قاراجاتتى ءتيىمدى پايدالانۋىمىز قاجەت. ماسەلەن، مەملەكەتتىك ءتىلدى ۇيرەنۋ كەرەك. كەم دەگەندە، 80 پايىز وتانداستارىمىزدىڭ قازاق تىلىندە سويلەگەنىن قالايمىن، – دەدى كارەن ناريمانيان.

ال «ۆايناح» ۇلتتىق-مادە­ني بىرلەستىگىنىڭ ءتورايىمى تاتيا­نا كاگەرمانوۆا جولداۋدا بەلگى­لەن­گەن مەجەگە قول جەتكىزۋ ءۇشىن قازاق­ستان حالقىنىڭ بىرلىگى زور ماڭىزعا يە ەكەنىن اتاپ ءوتتى.

– بيىلعى جولداۋ – جۇرت­شى­لىق­قا وتە جاقىن. سەبەبى، حالىققا باستى قاجەتتىلىك: ءال-اۋقاتتى كو­تەرىپ، ءبىلىم بەرۋ جانە دەنساۋلىق ساقتاۋ سالالارىن جاقسارتۋعا جانە كاسىپكەرلىكتى كەڭىنەن دامىتۋعا باسىمدىق بەرىلگەن، – دەدى قحا مۇشەسى ت.كاگەرمانوۆا.

دۋمان اناش،

جۋرناليست.

وسكەمەن.

سوڭعى جاڭالىقتار

پاگانيني

ونەر • كەشە

وتىز جىلدىققا وي قورىتقان

قازاقستان • كەشە

ۇقساس جاڭالىقتار