1 تامىزدان باستاپ ەلىمىزدە كوروناۆيرۋس ينفەكتسياسىنىڭ تارالۋ يندەكسى 14%-عا دەيىن تومەندەدى. ينفەكتسيالىق توسەكتەردىڭ – 53% (30 123), رەانيماتسيالىق توسەكتەردىڭ – 47% (2 401) قولدانىلۋدا. ولاردىڭ باسىم بولىگى اقتوبە, قىزىلوردا جانە الماتى وبلىسىندا. بۇگىندە اۋرۋحانالاردا 120 مىڭنان استام قازاقستاندىق ەم الىپ جاتىر.
ەلىمىزدىڭ باس دارىگەرى ازاماتتاردىڭ ۆاكتسينا الۋ ماسەلەسى بويىنشا وڭىرلەردەگى كورسەتكىشكە دە توقتالىپ ءوتتى.
«قازىر ەكپەنىڭ ءبىرىنشى كومپونەنتىن 6,1 ملن ادام سالدىردى. ال ەكىنشى دوزانى العاندار سانى 4,8 ملن ادامدى قۇرايدى. ۆاكتسينا سالدىرۋشىلاردىڭ ەڭ كوپ ۇلەسى 6 ءوڭىردى قامتيدى: شىمكەنت, الماتى قالالارى, تۇركىستان, سولتۇستىك قازاقستان, شىعىس قازاقستان, قىزىلوردا وبلىستارى. ال ءبىرىنشى دوزامەن ۆاكتسيناتسيالاۋمەن قامتۋدىڭ ەڭ از پايىزى ماڭعىستاۋ وبلىسىندا (35%) بايقالادى. قىتايدىڭ Sinopharm ۆاكتسيناسىنىڭ العاشقى پارتياسى بارلىق ايماقتارعا جەتكىزىلدى. بۇل باعىتتا جۇمىستار جالعاسۋدا», دەدى الەكسەي تسوي.
