ايماقتار • 17 تامىز، 2021

الماتىدا ەپيدەميالىق احۋال ۋشىعىپ تۇر – ج.بەكشين

29 رەت كورسەتىلدى

الماتىدا كوروناۆيرۋس ينفەكتسياسى بويىنشا ەپيدەميالىق احۋال كۇردەلەنىپ كەلەدى. بۇل تۋرالى وڭىرلىك كوممۋنيكاتسيالار قىزمەتىنىڭ ءباسپاسوز كونفەرەنتسياسى بارىسىندا قالانىڭ باس سانيتارلىق دارىگەرى جانداربەك بەكشين مالىمدەدى، دەپ جازادى Egemen.kz.

الماتى قالاسى باس سانيتارلىق دارىگەرى كۇنىنە 1،5 مىڭعا جۋىق تۇرعىن كوروناۆيرۋس جۇقتىرىپ جاتقانىن مالىمدەدى.

«ەپيدەميالىق احۋال 28 شىلدەدەن بەرى ۋشىعىپ تۇر، 15 تامىزدا 22 800 جاعداي، جىل باسىنان بەرى – 105،6 مىڭ جاعداي تىركەلدى»، دەدى ج. بەكشين.

سانيتارلىق-ەپيدەميولوگيالىق مەكەمە باسشىسى سوڭعى اپتادا الدىڭعىسىمەن سالىستىرعاندا «سيمپتومدى» ناۋقاستار ۇلەسىنىڭ 93%-دان 94%-عا دەيىن وسكەنىن اتاپ ءوتتى.

ج. بەكشين الماتى تۇرعىندارىن قاۋىپتى ينفەكتسياعا قارسى بىرىگۋگە شاقىردى.

«مەن الەۋمەتتىك قاشىقتىقتى ساقتاۋعا، ماسكالاردى دۇرىس تاعۋعا جانە ولاردى ءجيى اۋىستىرۋعا، ۆاكتسينا الۋعا شاقىرامىن»، دەدى مەگاپوليستىڭ باس سانيتارلىق دارىگەرى.

ايتا كەتەيىك، ەۋروپا قالالارىندا ادامدار ۆاكتسيانا تاپشىلىعىنان كەزەككە تۇرۋعا ءماجبۇر. ال الماتىدا ەكپەنى ءتىپتى ساۋدا ورتالىعىنىڭ وزىندە اقىسىز الۋعا بولادى. بىراق بۇل مۇمكىندىكتى قالا تۇرعىندارىنىڭ بارلىعى بىردەي پايدالانباي وتىر. سوندىقتان جۇقتىرۋ بۇرىنعىداي 20-39 جاس ارالىعىنداعى الماتىلىقتار اراسىندا – 35،6%، 40-59 جاستاعىلار اراسىندا – 24،2% جانە 60 جاستان اسقاندار اراسىندا – 23%، بارلىق جاعدايلاردىڭ 83%-ىن قۇرايدى. 

ج. بەكشين  60 جاستان اسقانداردىڭ جۇقتىرۋى 1،5%-عا كوبەيگەنىن جانە ولاردىڭ اۋىر حالدە جەتكىزىلەتىنى مەن 1 جاسقا دەيىنگى سابيلەردىڭ دە دەرت جۇقتىراتىنى الاڭداتاتىنىن ايتتى.

سوڭعى جاڭالىقتار

اقتوبەدە كارانتين جەڭىلدەدى

كوروناۆيرۋس • بۇگىن، 16:15

9 سۋ قويماسى سالىنادى

ەكولوگيا • كەشە

ۇقساس جاڭالىقتار