قازاقستان • 17 تامىز، 2021

پاۆلودار وبلىسىندا قوس ازاماتتىعى بار 46 ادام جاۋاپقا تارتىلدى

227 رەت كورسەتىلدى

پاۆلودار وبلىسىندا قوس ازاماتتىعى بار 46 ادام انىقتالدى، دەپ حابارلايدى Egemen.kz  Polisia.kz سايتىنا سىلتەمە جاساپ.

جەلەزين اۋداندىق سوتى قازاقستان رەسپۋبليكاسىنىڭ ازاماتتىق تۋرالى زاڭناماسىن بۇزعان رەسەي فەدەراتسياسىنىڭ 46 ازاماتىنا قاتىستى اكىمشىلىك ءىستى قارادى.

«قازاقستان رەسپۋبليكاسىنىڭ ازاماتتىعى تۋرالى» زاڭنىڭ 21-بابىنا سايكەس، ەگەر ادام باسقا مەملەكەتتىڭ ازاماتتىعىن العان بولسا، ونىڭ ازاماتتىعى جويىلادى. بۇدان باسقا، قازاقستان رەسپۋبليكاسىنىڭ ازاماتى بولىپ تابىلاتىن جانە شەت مەملەكەتتىڭ ازاماتتىعىن قابىلداعان ادام وزگە ازاماتتىقتى العان كۇننەن باستاپ كۇنتىزبەلىك 30 كۇن ىشىندە شەتەلدىك ازاماتتىقتى الۋ فاكتىسى تۋرالى قازاقستان رەسپۋبليكاسىنىڭ ىشكى ىستەر ورگاندارىنا نەمەسە قازاقستان رەسپۋبليكاسىنىڭ شەت ەلدەردەگى مەكەمەلەرىنە حابارلاۋعا جانە قازاقستان رەسپۋبليكاسىنىڭ پاسپورتى مەن جەكە كۋالىگىن تاپسىرۋعا مىندەتتى.

وسىلايشا، جەلەزين اۋدانىنىڭ پوليتسيا ءبولىمىنىڭ قىزمەتكەرلەرى 16 تامىزدا رەسەي فەدەراتسياسى ازاماتتارىنىڭ وتكەن جىلدىڭ قاراشا ايىندا رەسەي ازاماتتىعىن العان قازاقستان رەسپۋبليكاسىنىڭ ازاماتتىعى تۋرالى زاڭناماسىن بۇزۋدىڭ 2 فاكتىسىن انىقتادى.

قۇقىق بۇزۋشىلارعا قاتىستى قر اقبتك-ءنىڭ 496-بابى 2-بولىگى بويىنشا اكىمشىلىك ماتەريالدار قوزعالىپ، سوتتا قارالدى. سوت وتىرىسىندا زاڭ بۇزۋشىلار كىناسىن تولىق مويىندادى. شەتەلدىكتەردەن قازاقستان رەسپۋبليكاسى ازاماتىنىڭ جەكە كۋالىگى مەن پاسپورتى الىندى، قازاقستان رەسپۋبليكاسىنىڭ ازاماتتىعىن جوعالتۋ تىركەلدى. قۇقىق بۇزۋشىلاردىڭ ءبىرى 200 اەك (408 مىڭ تەڭگەدەن استام) مولشەرىندە اكىمشىلىك ايىپپۇل تۇرىندە اكىمشىلىك جازاعا تارتىلدى، ال ەكىنشىسى قازاقستان رەسپۋبليكاسى اۋماعىنان شىعارىلدى.

«ازاماتتار ءارتۇرلى ەلدەردە بەلگىلەنگەن الەۋمەتتىك، زەينەتاقى جانە باسقا دا جەڭىلدىكتەردى پايدالانۋ ءۇشىن ازاماتتىقتى وزگەرتۋ فاكتىسى تۋرالى حابارلاۋعا اسىقپايدى. قۇقىق بۇزۋشىلار ءوز ءىس-ارەكەتتەرىن ىشكى ىستەر ورگاندارىنا شەتەلدىك ازاماتتىقتى الۋ فاكتىسى تۋرالى حابارلاۋدى ۇلگەرمەگەندىگىمەن نەمەسە ۇمىتىپ كەتكەندىگىمەن سىلتاۋ ايتادى»، دەدى پاۆلودار وبلىسى جەلەزين اۋداندىق پوليتسيا ءبولىمىنىڭ كوشى-قون قىزمەتىنىڭ اعا ينسپەكتورى اناستاسيا سكلياروۆا.

سوڭعى جاڭالىقتار

اينالما جولدىڭ ازابى

ايماقتار • كەشە

ۇقساس جاڭالىقتار