كولىك سالىعى بويىنشا جالپى بەرەشەك سوماسى 21,5 ملرد تەڭگەنى قۇرادى, ونىڭ ىشىندە نەگىزگى سوماسى – 17,5 ملرد تەڭگە, ءوسىمپۇلدار – 3,9 ملرد تەڭگە.
263 802 جەكە تۇلعانىڭ م ۇلىك سالىعى بويىنشا بەرەشەك 1,1 ملرد تەڭگەنى قۇرادى, ونىڭ ىشىندە نەگىزگى سوماسى – 877,1 ملن تەڭگە, ءوسىمپۇلدار - 269,9 ملن تەڭگە.
سونىمەن قاتار, 261 801 جەكە تۇلعانىڭ جەر سالىعى بويىنشا قارىزى 409,5 ملن تەڭگەنى قۇرادى, ونىڭ ىشىندە نەگىزگى سوماسى –282,7 ملن تەڭگە, ءوسىمپۇلدار - 126,8 ملن تەڭگە.
سالىق زاڭناماسى كەشىكتىرگەن ءاربىر كۇن ءۇشىن ءوسىمپۇل ەسەپتەۋدى قاراستىرادى, ال ايىپپۇلداردى قولدانۋ زاڭدا كوزدەلمەگەن.
«سالىق مىندەتتەمەسى ورىندالماعان جاعدايدا, سالىق ورگاندارى بەرەشەكتى ماجبۇرلەپ ءوندىرىپ الۋدى قامتاماسىز ەتۋ ءۇشىن زاڭنامادا كوزدەلگەن ادىستەردى قولدانۋعا مىندەتتى.
بۇل رەتتە سالىق زاڭناماسى بانكتەردىڭ تولەنبەگەن قارىزى بار زاڭدى تۇلعا, جەكە كاسىپكەر, جەكە تۇلعالارعا شوت اشۋدان باس تارتۋ مىندەتتەمەسىن كوزدەيدى», دەپ جازادى ۆەدومستۆو.
بۇل ەرەجە مەملەكەتتىك بيۋدجەتتەن جانە مەملەكەتتىك الەۋمەتتىك ساقتاندىرۋ قورىنان تولەنەتىن جاردەماقىلار مەن الەۋمەتتىك تولەمدەردى الۋعا ارنالعان بانكتىك شوتتارعا, ءبىلىم بەرۋ جيناق سالىمى شارتى بويىنشا بانكتىك شوتتارعا قولدانىلمايدى. ەگەر جەكە تۇلعا بانك شوتىن وسى ماقساتتا اشسا, ونىڭ سالىق بەرەشەگى بولسا دا, بانك باس تارتۋعا قۇقىلى ەمەس.
بۇدان باسقا, سالىق كودەكسىنە 1 اەك-تەن ارتىق مولشەردەگى سالىق تولەنبەگەن جاعدايدا, حابارلاما جىبەرىلەدى. سودان باستاپ وتىز جۇمىس كۇنى ىشىندە بەرەشەك تولەنبەسە, سالىق ورگانى سايكەس بۇيرىق شىعارىپ, ايماقتىق جەكە سوت ورىنداۋشىلار پالاتاسىنا نەمەسە ادىلەت ورگاندارىنا ماجبۇرلەپ ورىنداۋ ءۇشىن جىبەرەدى.
