الماتىنىڭ الاتاۋ اۋدانىنداعى «ايگەرىم» ىقشام اۋدانىنداعى ۇيلەردىڭ ءبىرىنىڭ 76 جاستاعى تۇرعىنى نەمەرەسىمەن بىرگە «كانوپليا» جانە «ماريحۋانا» ەسىرتكىلەرىن زاڭسىز وسىرگەن.
«گ.ەسىمدى ايەلدىڭ تۇرعىلىقتى جەرىندە جەدەل-ىزدەستىرۋ ءىس-شارالارىن جۇرگىزۋ بارىسىندا جاسىل ءتۇستى, ەرەكشە ءيىسى بار وسىمدىك تەكتەس 117 بۇتا تابىلىپ, تاركىلەندى. سوت-مەديتسينالىق ساراپتاما قورىتىندىسىنا سايكەس, تاركىلەنگەن ەسىرتكى – كەپتىرىلمەگەن ماريحۋانا, جالپى سالماعى 6 كەلى 680 گرامم ەكەنى انىقتالدى. قازىرگى ۋاقىتتا الاتاۋ اۋدانىنىڭ پد-دە قر قك-ءنىڭ 300-بابى 1-بولىگى بويىنشا سوتقا دەيىنگى تەرگەۋ جۇرگىزىلۋدە», دەدى الماتى قالالىق پد ەسىرتكى قىلمىسىنا قارسى كۇرەس باسقارماسى باستىعىنىڭ ورىنباسارى ساعىندىق اياعانوۆ.
