ايماقتار • 16 تامىز، 2021

ۇڭگىردەگى ۇلگىلى ءىس

41 رەت كورسەتىلدى

بالقاش قالاسىنىڭ ماڭىنداعى تابيعاتى تاڭعاجايىپ بەكتاۋ اتا تاۋى ەلىمىزدەگى كيەلى نىساندار مەن باسقا دا ەرەكشە قاستەرلەنەتىن تابيعي مۇرا ەسكەرتكىشتەرىنىڭ كارتاسىنا كىرەدى. مۇندا 600 مەتر بيىكتىكتە ورىن تەپكەن اۋليە اتا ۇڭگىرى بار. بۇل جەرگە جۇرت كوپتەپ كەلەدى.

 

وكىنىشكە قاراي، ءتارتىپسىز تۋريستەر ۇزاق جىلداردان بەرى وسى ۇڭگىردىڭ اۋزى مەن ماڭايىن نەشە ءتۇرلى جازۋلارعا تولتىرىپ، تابيعات كەرەمەتىنىڭ ءسانىن كەلتىرىپ كەلگەن ەدى.

وتكەن جىلى وسى كەمشىلىكتى جويۋ ماقساتىندا شاشۋباي كەنتىنىڭ بو­بەكجاي كەشەنى بازاسىنداعى رە­سۋرس­تىق ورتالىقتىڭ پەداگوگتەرى مەن  ماماندارى جانە تەحنيكالىق قىز-­
مەتكەرلەرى كيەلى ۇڭگىردى جابايى جازبالاردان تازارتۋ جونىندە شەشىم قابىلداعان بولاتىن.

ەندى، مىنە، بەس اي بويى تىنىمسىز تەر توككەن ولار وزدەرىنىڭ دىتتەگەن ماقساتتارىنا جەتتى. «رۋحاني جاڭ­عىرۋ» باعدارلاماسى اياسىندا وتكەن بۇل اكتسيا تۋرالى ءوزىنىڭ فەيسبۋك پاراق­شاسىنا جوبا جەتەكشىسى، وب­لىستىق ءماسليحاتتىڭ دەپۋتاتى ايمان تۇكباەۆا بىلاي دەپ جازدى: «دەما­لىس جانە مەرەكە كۇندەرى بەل­سەندى ازاماتتارىمىز جۇرەك قالا­ۋىمەن بەكتاۋ اتا شاتقالىنا با­رىپ، ۇڭگىردى تازارتتى. ولار وزدەرى­مەن بىرگە تۇرمىستىق وتتەگى باللونىن، ديزەلدى شاعىن اۆتونومدى گەنە­راتورلىق ەلەكتر ستانساسىن، ەلەكتر ششەتكالارى مەن كەسكىشتەرىن، ءورت ساتى­لارىن، تۋريستىك جابدىقتار مەن ارقان­داردى، وتپەن جۇمىس ىستەۋ­دەگى جەكە قاۋىپسىزدىك زاتتارىن، قۇرى­لىس قۇرالدارىن الا بارىپ، تازالاۋ جۇمىستارىمەن اينالىستى. اكتسيا رەسمي تۇردە 6 تامىزدا اياقتالدى».

يگى ءىس بىتكەننەن كەيىن بەلسەندى ازا­ماتتار ۇڭگىردىڭ الدىنا قازاق، ورىس جانە اعىلشىن تىلدەرىندە جا­زىل­عان اقپاراتتىق باننەرلەر مەن «تابيعات ءمىنسىز تازا، ءمىن بىزدە عانا» دەگەن جازۋى بار ەسكەرتكىش تاقتا ورناتتى.

 

قاراعاندى وبلىسى

 

سوڭعى جاڭالىقتار

ددسۇ QazVac-تى قاشان مويىندايدى؟

كوروناۆيرۋس • بۇگىن، 12:35

ۇقساس جاڭالىقتار