بۇل داۋاسىز دەرتتى تەك ۆاكتسينامەن عانا توقتاتا الامىز. وسى ماسەلەنى ەندىگى جەردە تالقىلاۋدىڭ ءوزى ارتىق. ادامزاتتىڭ كوروناۆيرۋستى زەرتتەي باستاعانىنا 1,5 جىلدان ەندى اسسا دا, گەنەتيكالىق قۇرىلىمى, ءشيفرى قۇپيالارىنىڭ جۇمباعى ەندى انىقتالدى. قالاي كۇرەسۋگە, الدىن الۋعا بولاتىنى دا بەلگىلى. وبىر ىسىگى نەمەسە ايتۆ ۆيرۋسىمەن سالىستىرعاندا, كوروناۆيرۋستىڭ ومىرشەڭ ەمەستىگى, ونىڭ ادام اعزاسىنا قوناقتايتىن ۋاقىتى شامامەن 3 اپتا ەكەنى دە عىلىمي نەگىزدە جۇيەلەنىپ, حالىقارالىق عىلىمي ىنتىماقتاستىقتىڭ, ۇلكەن قارجىلىق جانە ادامي رەسۋرستاردىڭ ناتيجەسىندە وندىرىستىك اينالىمعا جىبەرىلدى.
بىزدە ۆاكتسينانىڭ تيىمدىلىگى مەن قاۋىپسىزدىگى تۋرالى عىلىمي جانە كلينيكالىق دەرەكتەر جەتكىلىكتى. اۋىرعان جانە ۆاكتسينانىڭ تولىق كۋرسىنان وتكەن ادامدار كۆي-گە قارسى ەڭ جاقسى يممۋندىق قورعانىسقا يە ەكەندىگى ايتىلىپ جاتىر. اقپان ايىندا جاپپاي ۆاكتسينا باستالعان كەزدە مەديتسينا قىزمەتكەرلەرى ۆاكتسيناعا الاڭداۋشىلىق ءبىلدىردى. كەيىننەن كوپ ەلدەردە جاناما اسەر بولماعانىن كوردى. قازىر ادامداردىڭ سەنىمى پايدا بولدى. بۇل ەل اراسىندا الىپقاشپا قاۋەسەتتەن تۋعان نەگىزسىز اڭگىمەلەرگە نۇكتە قويۋى ءتيىس ەدى. بىراق ولاي بولماي تۇر. ىندەتتىڭ العاشقى كەزەڭدەرىندە ينفەكتسيا ەگدە ادامدارعا اسا قاۋىپتى دەگەن پىكىر باسىم ەدى. قازىر كوروناۆيرۋس كۇن وتكەن سايىن جاسارىپ بارادى.ءتىپتى بەسىكتەگى بوبەكتەردەن دە دەرت بەلگىسى تابىلعانى – قاۋىپتىڭ باسى. دەرتتى ۆاكتسينا عانا توقتاتا الاتىنى, بۇدان باسقا جول جوق ەكەنىن تۇسىنەتىن كەز جەتتى.
ابايدۋللا جاپاروۆ,
قازاقستانننىڭ «التىن سكالپەلى» اتاعىنىڭ يەگەرى,
الماتى قالالىق №5 كلينيكالىق اۋرۋحاناسى جاق-بەت حيرۋرگيا ءبولىمىنىڭ مەڭگەرۋشىسى
