نۇرلان نوعاەۆ الەمدەگى قازىرگى ەكونوميكالىق جاعدايدى ەسكەرە وتىرىپ, شىۇ-عا قاتىسۋشى ەلدەر اراسىنداعى كووپەراتسيانىڭ ماڭىزدىلىعىن اتاپ ءوتتى.
قازاقستاننىڭ ەنەرگەتيكا ءمينيسترى شانحاي ىنتىماقتاستىق ۇيىمى ەلدەرىنىڭ ەنەرگەتيكا سالاسىنداعى بىرلەسكەن جۇمىسى ستراتەگيالىق سيپاتقا يە جانە ۇزاق مەرزىمدى بولىپ تابىلاتىندىعىن ايتتى.
ۆەدومستۆو باسشىسى رەسپۋبليكانىڭ جەر قويناۋىن پايدالانۋ, مۇناي, گاز جانە جەك سالاسىنداعى باستى جەتىستىكتەرى تۋرالى مالىمدەدى.
ماسەلەن, 2020 جىلعى 1 قىركۇيەكتەن باستاپ قازاقستاندا تاۋەلسىزدىك جىلدارى العاش رەت كومىرسۋتەكتى شيكىزات بويىنشا جەر قويناۋىن پايدالانۋ قۇقىعىن الۋ ءۇشىن ەلەكتروندىق اۋكتسيوندار وتكىزۋ ۇيىمداستىرىلدى. بۇل جاعدايدا شەتەلدىك جانە وتاندىق ينۆەستورلاردىڭ قاتىسۋعا قۇقىعى بار.
سونىمەن قاتار وتىرىسقا قاتىسۋشىلار مۇناي-گاز سالاسىن باسقارۋدىڭ تيىمدىلىگىن ارتتىرۋ جونىندەگى جوسپارلار تۋرالى حاباردار ەتىلدى.
«رەسپۋبليكا ۇكىمەتى شيكى مۇناي مەن گاز كوندەنساتىن ەسەپكە الۋدىڭ اقپاراتتىق جۇيەسىن ەنگىزىپ جاتىر. اعىمداعى جىلى قازاقستاننىڭ جالپى مۇناي ءوندىرۋ كولەمىنىڭ 60%-ىن قامتاماسىز ەتەتىن ۇيىمداردى قوسۋ جوسپاردا بار», دەپ تولىقتىردى نۇرلان نوعاەۆ.
بۇدان باسقا, ەكونوميكانى تومەن كومىرتەكتى دامىتۋعا كوشىرۋ جونىندەگى ماقساتقا قول جەتكىزۋ ءۇشىن وتكەن جىلدىڭ قورىتىندىسى بويىنشا قازاقستان ەلدىڭ جالپى ەنەرگيا بالانسىنداعى جەك ۇلەسىن 3%-عا جەتكىزدى. ال سوڭعى 5 جىلدا جەك وبەكتىلەرىنىڭ بەلگىلەنگەن قۋاتى 7 ەسەگە جۋىق – 2015 جىلعى 240 مۆت-تان 2020 جىلى 1 634,7-گە دەيىن ءوستى.
قورىتا كەلگەندە, نۇرلان نوعاەۆ ۇيىم مۇشەلەرى اراسىنداعى ەنەرگەتيكا سالاسىنداعى ىنتىماقتاستىقتى ودان ءارى تەرەڭدەتۋ ماقساتىندا 2012 جىلى قۇرىلعان شىۇ ەنەرگەتيكالىق كلۋبىنىڭ جۇمىسىن جالعاستىرۋدى ۇسىندى. شىۇ ەنەرگەتيكالىق كلۋبىنىڭ سوڭعى وتىرىسى 2016 جىلى ءوتتى.
«شانحاي ىنتىماقتاستىق ۇيىمى الاڭىنداعى بىرلەسكەن جۇمىس ەلدەرىمىزدىڭ ەكونوميكالىق دامۋىنا, سونداي-اق ەنەرگەتيكا سالاسىنداعى بىرلەسكەن جوبالاردى قۇرۋعا ءسوزسىز ىقپال ەتەتىن بولادى. الەمدىك ەكونوميكانىڭ دامۋ قارقىنىن قالپىنا كەلتىرۋ ءۇشىن كۇش بىرىكتىرۋدىڭ ۋاقىتى كەلدى», دەپ تۇيىندەدى مينيستر.
