وپەراتور رەتىندە «اۋىل شارۋاشىلىعىن قارجىلاي قولداۋ قورى» اق بولىپ بەكىتىلدى. ءوندىرىس شىعىندارىن وتەۋدە, پايدا تابۋدا جانە ءتۇرلى جاعدايلارعا بايلانىستى شىعىنعا باتىپ قالماس ءۇشىن قۇس وسىرۋشىلەر قۇستارىن ساقتاندىرعاندارى وتە ماڭىزدى. بۇل ساقتاندىرۋ ءونىمى وزەكتى جانە قازىرگى ۋاقىتتا سۇرانىسقا يە.
جاڭا ساقتاندىرۋ ءونىمى دە ءىرى قارا مال, ۇساق مال جانە جىلقى سياقتى ساقتاندىرىلادى جانە بارلىق ىقتيمال تاۋەكەلدەردىڭ شىعىنى وتەلەدى. سالىستىرمالى تۇردە ايتقاندا ساقتاندىرۋدىڭ قۇنى دا تومەن بولادى. ءتۇرلى اۋرۋلاردان, ورتتەن, جازاتايىم وقيعالاردان, تابيعي اپاتتاردان ولگەن جاعدايدا جانە ۇرلانسا, جوعالىپ كەتسە ساقتاندىرۋ شارتتارىنا سايكەس ورنىن تولتىرۋعا مۇمكىندىك بار.
ساقتاندىرۋ ءۇشىن كەم دەگەندە 30 باس قۇس بولۋ كەرەك. قۇستاردىڭ سانىنا بايلانىستى -2,31%-دان 2,77%-عا دەيىنگى ءتۇرلى دەڭگەيدەگى تاريفتەر بەلگىلەندى. بۇل ءونىمدى وپەراتور بەكىتكەندىكتەن ساقتاندىرۋ سىياقىلارىن مەملەكەت سۋبسيديالايدى.
ول فەرمەرلەردى ىنتالاندىرۋعا جانە ساقتاندىرۋ سىياقىسى سوماسىنىڭ 50%-ىن سۋبسيديالاۋ ارقىلى ساقتاندىرۋ شارتىنىڭ جارتى قۇنىن ارزانداتۋعا باعىتتالعان. جۇيەدە قازاقستان رەسپۋبليكاسىنىڭ قارجى نارىعىن رەتتەۋ جانە دامىتۋ جونىندەگى اگەنتتىگىنىڭ ليتسەنزياسى بار ساقتاندىرۋ كومپانيالارى عانا جۇمىس ىستەيدى.
ساقتاندىرۋ ءونىمى شەڭبەرىندەگى تاۋەكەلدەر الەمدىك ساقتاندىرۋ نارىعىندا «ا» رەيتينگىسى بار حالىقارالىق قايتا ساقتاندىرۋ كومپانيالارى قايتا ساقتاندىرادى.
بۇل ساقتاندىرۋ جاعدايلارى تۋىنداعاندا كەپىلدەندىرىلگەن تولەمدەردى قامتاماسىز ەتۋگە مۇمكىندىك بەرەدى.
شارت جاساسۋدان باستاپ تولەمدەرگە دەيىنگى بارلىق راسىمدەر اۋىل شارۋاشىلىعى تاۋارىن ءوندىرۋشىنىڭ ەلەكتروندىق تسيفرلىق قولتاڭباسى نەگىزىندە Qoldau.kz پلاتفورماسىندا ورنالاسقان Agroinsurance اقپاراتتىق سەرۆيسىندە اتقارىلادى.
