انكارادا سيريالىق بوسقىن توبەلەس كەزىندە ەكى تۇرىكتى ولتىرگەننەن كەيىن شيەلەنىس كۇشەيە ءتۇستى. بۇنىڭ سوڭى تۇرىكتەردىڭ انكاراداعى ميگرانتتار تۇراتىن ايماققا جاپپاي شابۋىلدارىن كۇشەيتتى.
الەۋمەتتىك جەلىلەردەگى فوتوسۋرەتتەر مەن ۆيدەولاردان پوليتسەيلەر قورشاۋىن بۇزىپ, كولىكتەردى سىندىرىپ, ورتەپ, دۇكەندەردىڭ تەرەزەلەرى مەن ۇيلەردىڭ تەرەزەلەرىنە تاس لاقتىرعان ادامداردىڭ ايقايلاعانىن كورۋگە بولادى.
Reuters اگەنتتىگىنىڭ مالىمەتىنشە, ءتارتىپ ساقشىلارى اسپانعا وق اتقان. 76 ب ۇلىكشى ۇستالدى. انكارا پوليتسياسىنىڭ مالىمەتىنشە, ۇستالعانداردىڭ 38-ءىنىڭ قاراقشىلىق, زورلىق-زومبىلىق جانە پاتەر توناۋعا قاتىستى قىلمىستارى بولعان.
بيلىك جەرگىلىكتى تۇرعىنداردى تىنىشتاندىرۋ ءۇشىن ايماققا ارنايى جاساقتى جىبەردى, ال كەيبىر سيريالىقتار ەلدى مەكەننەن ەۆاكۋاتسيالاندى. بىرنەشە ساعاتتىق قاقتىعىستان كەيىن ءتارتىپ ساقشىلارى قوعامدىق ءتارتىپتى قالپىنا كەلتىردى.
تۇركيا شامامەن 3,7 ميلليون سيريالىق بوسقىنداردى قابىلدادى. ال سوڭعى تولقۋلار اۋعانستانداعى قاقتىعىستار كەزىندە يراننان تۇركياعا كەلەتىن اۋعان بوسقىندارىنىڭ سانىنىڭ وسۋىنەن قورققاندىقتان بولعان.
بۇعان دەيىن ەۋروپالىق وداق تۇركياعا 2024 جىلعا دەيىن سيريالىق بوسقىنداردى قابىلداۋدى جالعاستىرۋ ءۇشىن 3,5 ميلليارد ەۋرو بەرۋدى قاراستىرىپ جاتقاندىعى تۋرالى حابارلانعان بولاتىن.
