«ازاماتتىق اۆياتسيا سالاسىن باسقارۋدىڭ جاڭا مودەلىنە كوشۋ جونىندەگى ۇلت جوسپارىنىڭ 68-قادامىن ىسكە اسىرۋ شەڭبەرىندە قر يدم ازاماتتىق اۆياتسيا كوميتەتى قازاقستاننىڭ اۆياتسيالىق اكىمشىلىگىمەن بىرلەسىكەن جۇمىسى يكاو تاراپىنان جوعارى باعالاندى. وسىلايشا, 2021 جىلدىڭ 2-11 تامىز ارالىعىندا ۇشۋ قاۋىپسىزدىگىنە قاتىستى جۇرگىزىلگەن يكاو تەكسەرۋىنىڭ الدىن الا ناتيجەلەرى بويىنشا قازاقستان يكاو ستاندارتتارىنا سايكەستىكتىڭ ورتاشا الەمدىك دەڭگەيىنەن 15% اسىپ, 84% جەتتى», دەپ حابارلاندى مينيسترلىكتەن.
يكاو ستاندارتتارىنا سايكەستىكتىڭ ارتۋى كەلەسى سالالاردا تىركەلدى:
- نەگىزگى اۆياتسيالىق زاڭناما (LEG) 61%-دان 81%-عا دەيىن;
- ازاماتتىق اۆياتسيا ۇيىمى (ORG) 37%-دان 75%-عا دەيىن;
- اەروناۆيگاتسيالىق قىزمەت كورسەتۋ (ANS) 87%-دان 95%-عا دەيىن;
- اۋەايلاقتار جانە جەردەگى قىزمەت كورسەتۋ (AGA) 56%-دان 90%-عا دەيىن;
- اۆياتسيالىق وقيعالار مەن ينتسيدەنتتەردى تەكسەرۋ (AIG) 47%-دان 53%-عا دەيىن.
وسىلايشا, قازاقستان ەۋروپالىق ۇشۋ قاۋىپسىزدىگى اگەنتتىگىنە (EASA) مۇشە ەلدەردىڭ يكاو ستاندارتتارىنا سايكەستىگىنىڭ ورتاشا دەڭگەيىنە قول جەتكىزىپ وتىر.
«قازىرگى ۋاقىتتا وسى كورسەتكىش بويىنشا ءبىز كوپتەگەن ەۋروپالىق ەلدەردەن جوعارى ورنالاسىپ وتىرمىز جانە نيدەرلاندى – 87%; بەلگيا – 87%; پورتۋگاليا – 87%; چەحيا – 87%; لاتۆيا – 86%; دانيا – 85%; يسلانديا – 84%; پولشا – 84%; سلوۆەنيا – 82%, كيپر - 82% سياقتى ەۋروپالىق ەلدەرمەن قاتار تۇرمىز. ناتيجەلەر جاقىن ارادا يكاو سايتىندا رەسمي تۇردە جاريالانادى جانە بارلىق مەملەكەتتەرگە قولجەتىمدى بولادى», دەپ جازادى قر يدم.
