قورعانىس مينيسترلىگىنىڭ اسكەري بولىمدەرىندە اۆتوقۇمارلار قوعامى قۇرىلدى. بۇل قوعام قارۋلى كۇشتەر اسكەري قىزمەتشىلەرىنىڭ قاتىسۋىمەن جول-كولىك وقيعاسىن بولدىرماۋعا, جول قوزعالىسى ەرەجەسى تۋرالى ءبىلىمدى جەتىلدىرۋ ماقساتىندا ءتۇسىندىرۋ جۇمىستارىن جۇرگىزۋگە ارنالعان.
قورعانىس مينيسترلىگىنىڭ اسكەري بولىمدەرىندە اۆتوقۇمارلار قوعامى قۇرىلدى. بۇل قوعام قارۋلى كۇشتەر اسكەري قىزمەتشىلەرىنىڭ قاتىسۋىمەن جول-كولىك وقيعاسىن بولدىرماۋعا, جول قوزعالىسى ەرەجەسى تۋرالى ءبىلىمدى جەتىلدىرۋ ماقساتىندا ءتۇسىندىرۋ جۇمىستارىن جۇرگىزۋگە ارنالعان.
تالدىقورعان گارنيزونىنداعى اسكەري-اۋە كۇشتەرى وقۋ ورتالىعىندا اسكەري تەحنيكادا جانە جەكە كولىكتە جول-كولىك وقيعالارىنىڭ الدىن الۋ جونىندە كونفەرەنتسيا ءوتتى. كونفەرەنتسيادا اسكەري پوليتسيا وتريادىنىڭ قىزمەتكەرلەرى اسكەري قىزمەتشىلەر اراسىندا اۆتوكولىك جۇرگىزۋدىڭ مادەنيەتىن ارتتىرۋ, سونداي-اق, جەكە اۆتوكولىكتى جول اپاتىنا ۇرىندىرماۋ, قىس مەرزىمى كەزىندە پايدالانۋدىڭ ەرەكشەلىكتەرى جونىندە ساباقتار وتكىزدى.
جول-كولىك وقيعاسىنىڭ الدىن الۋ شارالارىن وتكىزۋ بارىسىندا قك اسكەري بولىمدەرى اسكەري قىزمەتشىلەرىنە اپات بولعان جەردەن فوتو جانە بەينەماتەريالدار كورسەتىلىپ, «جول ەرەجەسىن بۇلجىتپاي ورىنداۋ – كولىك قۇرالدارىن اپاتسىز پايدالانۋدىڭ كەپىلى» اتتى كورنەكى ۇگىت-ناسيحات بۋكلەتتەرى تاراتىلدى.
قازاقستان قارۋلى كۇشتەرى اسكەري بولىمدەرىنىڭ كومانديرلەرى اسكەري قىزمەتشىلەردىڭ جولدا جۇرۋدە قىراعى ءارى اباي بولۋلارىن ۇنەمى قاداعالاپ وتىرادى. اعىمداعى جىلى جول-كولىك اپاتىنىڭ الدىن الۋ ماقساتىندا جول قوزعالىسىنىڭ قاۋىپسىزدىگى جونىندە «جولاۋشى نازار اۋدارىڭىز», «اۆتوكولىكتىڭ قىسقا ازىرلىگى – اپاتقا ۇرىندىرماۋدىڭ كەپىلى», «قر قك اسكەري بولىمدەرى مەن مەكەمەلەرىنىڭ پاركتەرىندە ىشكى قىزمەتتى ۇيىمداستىرۋ بارىسىندا قۇقىق بۇزۋشىلىقتى ەسكەرتۋ جونىندە» ايلىقتار وتكىزىلمەك.
«ەگەمەن-اقپارات».
