«مەملەكەت باسشىسى وليمپياداعا قاتىستى ءوز پىكىرىن ءبىلدىردى. وليمپيادا كومانداسىنىڭ ناتيجەسى ەلىمىزدىڭ سپورتتىق الەۋەتىنە سايكەس كەلمەيدى. مەنىڭ ويىمشا, بۇل پىكىرمەن ءبارى كەلىسەدى», دەدى اباەۆ سۇحبات بارىسىندا.
ونىڭ ايتۋىنا قاراعاندا, مۇنداي جاعدايدا بىرەۋدى جۇمىستان شىعارىپ, قالىپتاسقان جۇيەنى قايتا قۇرۋ ارقىلى ەلدىڭ كوڭىلىن تىنىشتاندىرۋعا بولادى. بىراق ول جۇيەلى كەمشىلىكتەردى شەشپەۋى مۇمكىن.
«قازىر الدىمىزدا تۇرعان مىندەت – قاتەلىكتەرمەن جۇمىس ىستەپ, وسى سالاداعى بارلىق پروتسەستەردى تالداۋ كەرەك. ايتپاقشى, پرەزيدەنت نەگىزگى باعداردى نۇسقادى. بۇل – بۇقارالىق جانە بالالار سپورتىن دامىتۋ. وسى باعىتقا ءتۇسۋىمىز كەرەك. ياعني, ەڭ باستىسى – اۋىلداردا قالاداعىداي سپورتتىق ينفراقۇرىلىم قالىپتاستىرىپ, مۇمكىندىگىنشە بالالاردى تەگىن سپورت سەكتسيالارىنا كوبىرەك تارتۋ. ارينە, بىلىكتى جاتتىقتىرۋشىلار مەن نۇسقاۋشىلاردى دايارلاۋ قاجەت», دەدى پرەزيدەنت اكىمشىلىگى باسشىسىنىڭ ءبىرىنشى ورىنباسارى.
سونداي-اق ول ولمپيادا قورىتىندىسى بويىنشا ۇلكەن تالداۋ جاسالىپ, رەۆيزيالىق جۇمىس جۇرگىزىلەتىنىن ايتتى. كۇزدە پرەزيدەنت سپورت بويىنشا ۇلكەن كەڭەس وتكىزۋدى جوسپارلاپ وتىرعانىن مالىمدەدى.
