ءمينيستردىڭ ايتۋىنشا, الەۋمەتتىك تۇرعىدان وسال توپتاعى بالالار كونتينگەنتى بولجاممەن 385 مىڭدى قۇرايدى. ولارعا جالپى ءبىلىم بەرۋ قورىنان كيىم-كەشەك, كەڭسە زاتتارىن ساتىپ الۋعا كومەك كورسەتىلۋى ءتيىس. ول ءۇشىن جەرگىلىكتى بيۋدجەتتەن ارنايى قارجى ءبولىندى.
«بىراق, اتىراۋ وبلىسىندا الەۋمەتتىك تۇرعىدان وسال وتباسىلاردان شىققان بالالارعا ماتەريالدىق كومەك كورسەتۋگە بولىنگەن قارجى كولەمى ازايدى جانە بىركەلكى بولىنبەگەن. قازىر وسى جۇمىسپەن اينالىسىپ جاتىرمىز», دەدى اسحات ايماعامبەتوۆ.
ءمينيستردىڭ دەرەگىنشە, 31 مىڭنان استام بالا اۆتوبۋسپەن تاسىمالداۋدى قاجەت ەتەدى. مەكتەپتەردە تاسىمالداۋدى ۇيىمداستىرۋ ءۇشىن 1 مىڭنان استام اۆتوبۋس بار. اۆتوبۋس پاركى 454 بىرلىككە جاڭارتىلعان. مەكتەپتەردى اۆتوبۋستارمەن قامتاماسىز ەتۋ بويىنشا ارناۋلى جول كارتاسى بەكىتىلدى. ليزينگ ارقىلى 515 جاڭا اۆتوبۋس ساتىپ الۋ جوسپارلانعان.
