مەديتسينا • 11 تامىز، 2021

ونكولوگيا ديسپانسەرى مەن زيراتتىڭ اراسى – ءبىر قادام

651 رەت كورسەتىلدى

مەديتسينالىق-ەمدەۋ مەكەمەلەرىنىڭ اراسىندا اۋراسى مەن مورالدىق-پسيحولوگيالىق احۋالى وتە اۋىر ورىنداردىڭ ءبىرى – ونكولوگيا ديسپانسەرى. حالقىمىزدىڭ دەنى كوپ جاعدايلاردا اعزاسىندا پايدا بولعان ونكولوگيالىق دەرتتەردىڭ العاشقى بەلگىلەرىن ونشا ەلەمەي، دارىگەرگە قارالماي جۇرە بەرەتىنى جاسىرىن ەمەس.

ءتىپتى اعايىندارىمىزدىڭ اراسىندا «قايتەر دەيسىڭ، جەل-قۇس، سالقىن تيگەن شىعار، ءبىر تەرلەسەم كەتەدى عوي»، دەپ ارقانى كەڭگە سالاتىندار دا از ەمەس. ءسويتىپ جۇرگەندە اتىڭ وشكىر اۋرۋ ودان ءارى دەندەپ، ءۇشىنشى، ءتىپتى ءتورتىنشى ستادياعا اۋىسىپ كەتىپ جاتادى. ءارى العاشقى ساتىسىندا اتالعان دەرت ادامعا ايتارلىقتاي بايقالا بەرمەيدى ەكەن. جايباراقاتتىڭ ءبىر ۇشى وسىندا سەكىلدى. ال كەيىن ولاردىڭ جانى قينالعان كەزدە ءبارى دە كەش بولاتىنى بەسەنەدەن بەلگىلى.

مۇنداي ساتىداعى اۋىر سىر­قات­تاردىڭ سوڭعى دەمى بىر­قا­تار جاعدايدا ونكولوگيالىق ديسپانسەردە ۇزىلەتىنى دە ەشكىمگە قۇپيا ەمەس. بولدى، ءبارى دە ءبىتتى... بۇدان كەيىن ونكودەرت سالدارىنان قايتىس بولعان ادامدى جەرلەۋگە قاتىستى ابىر-سابىر قيمىلدار باستالىپ كەتپەي مە؟ بۇعان ونشا سابىلىپ، قينالۋدىڭ قاجەتى جوق سەكىلدى. ويتكەنى ورال قالاسىنداعى الماتى كوشەسىنىڭ بويىندا ورنالاسقان وبلىستىق ونكولوگيالىق ديسپانسەردىڭ تۇپ-تۋرا، ءتۇبى مەن ىرگەسىندە ولىك­تى جەرلەۋگە قاتىستى سالت-جو­رالار قىزمەتى ورنالاسىپتى. ارينە، ەشكىم دە ماڭگىلىك ەمەس، ءومىر بار جەردە ءولىمنىڭ، قازانىڭ بولۋى – تابيعي ءجايت. ءتىپتى الگىندەي ءمايىتتى جونەلتۋگە قاتىستى قىزمەت كورسەتەتىن ورىن­داردى دا قاجەتسىز دەي ال­مايسىڭ.

سولاي دەي تۇرساق تا، ونى ەل-جۇرت بۇعان دەيىن «جامان اۋرۋ» دەپ اتاپ كەتكەن اۋىر دەرتپەن الىسۋمەن بىرگە ساناسىن «وسىدان و دۇنيەگە كەتەتىن شىعارمىن» دەگەن اۋىر وي قاۋمالاعان ادامدار ەمدەلەتىن مەديتسينالىق مە­كەمەنىڭ ىرگەسىنەن اشۋدىڭ قان­داي قاجەتتىلىگى بار ەدى؟ مۇن­داي شەشىم قانداي قيسىنعا سايكەس كەلەدى؟ الدە بۇل «ولسەڭىز – ءبىزدىڭ قىزمەتىمىز ءازىر» دەگەن تۇسپال ما؟ مۇنى بۇل ارادان ءسال قاشىعىراق جەرگە ورنالاستىرۋعا بولماس پا ەدى؟ ونكولوگيا ديس­پان­سەرىنىڭ تۇسىنان ءوتىپ بارا جاتقان كەزدە كوكەيگە كەلگەن ويىم مەن وسىنداي ساۋالداردى گا­زەت وقىرماندارىنىڭ نازارىنا ۇسىنۋدى ءجون كوردىم. ولار بۇعان نە دەر ەكەن؟

 

تەمىر قۇسايىن،

جۋرناليست

ورال

 

سۋرەتتە: ونكولوگيا ديس­پان­سە­رى­نىڭ ىرگەسىندە ورنالاسقان جەرلەۋ ءراسىمىن جۇرگىزۋ ورنى

 

سوڭعى جاڭالىقتار

16 تامىزعا ارنالعان ۆاليۋتا باعامى

ەكونوميكا • بۇگىن، 09:47

1453 ادام كوروناۆيرۋستان جازىلىپ شىقتى

كوروناۆيرۋس • بۇگىن، 09:06

جىگىتتەرمەن كۇش سىناسقان ارۋ

ۇلتتىق سپورت • بۇگىن، 08:43

قىتايدان قالىپ قويدىق

سپورت • بۇگىن، 08:42

تابىستارى – 2 117 000 دوللار

سپورت • بۇگىن، 08:40

وليمپيادادان كەيىنگى ويلار

سپورت • بۇگىن، 08:35

جارىس قىزعان شاعىنا جەتتى

سپورت • بۇگىن، 08:34

تەحنوپارك تەگىن وقىتادى

قوعام • بۇگىن، 08:32

«تالگوداعى» تالان-تاراج

قوعام • بۇگىن، 08:25

شالعايداعىلار شاعىم ايتادى

ءبىلىم • بۇگىن، 08:22

جاڭا مەكتەپتەر كوبەيەدى

ءبىلىم • بۇگىن، 08:20

ۇقساس جاڭالىقتار