نۇر-سۇلتان «قىزىل ايماقتا» بولعاندىقتان, ينفەكتسيانىڭ تارالۋىن بولدىرماۋ ءۇشىن بىرقاتار شەكتەۋ شارالارى قابىلداندى. سالتاناتتى, وتباسىلىق جانە باسقا دا بۇقارالىق ءىس-شارالاردى وتكىزۋگە قاتاڭ تىيىم سالىنادى.
دەگەنمەن تۇرعىندار قاۋلىنى ەلەمەي وتىر. ماسەلەن, بوگەنباي باتىر كوشەسىندەگى El Plaza مەيرامحاناسىندا 150 ادامدىق ۇيلەنۋ تويى ءوتتى. موبيلدىك توپ تەكسەرگەن كەزدە توي قىزۋ ءجۇرىپ جاتتى.
سول كۇنى «باقساراي» جانە «ارمان» مەيرامحانالارىندا توي مەن قۇدالىق توقتاتىلدى.
ماتەريال قر اقبتك-ءنىڭ 425-بابى بويىنشا اكىمشىلىك ءىس قوزعاۋ ءۇشىن ۋاكىلەتتى ورگانعا جىبەرىلدى.
دەمالىس كۇندەرى ءموبيلدى توپ 107 كاسىپكەرلىك نىساندى تەكسەرىپ, 33 كارانتيندى بۇزۋ دەرەگىن انىقتادى.
نۇر-سۇلتان قالالىق پوليتسيا ءبولىمى كاسىپكەرلەرگە كارانتين تالابىن بۇزعانى ءۇشىن جاۋاپكەرشىلىك بارىن ەسكەرتەدى جانە سانيتارلىق نورمالاردى ساقتاۋعا شاقىرادى.
