العاشقى جارتىجىلدىقتا ون جوبا جۇزەگە اسىرىلادى

اقتوبە – ەكونوميكالىق الەۋەتى مىقتى ءوڭىر. سوندىقتان مۇندا سوڭعى جىلدارى ونەركاسىپ قار­قىندى دامىپ كەلەدى. ەلباسى نۇرسۇلتان نازارباەۆ­تىڭ “جاڭا ونجىلدىق – جاڭا ەكونوميكالىق ورلەۋ – قازاقستاننىڭ جاڭا مۇمكىندىكتەرى” اتتى جول­داۋىندا اتاپ كورسەتىلگەنىندەي, ەلىمىزدى يندۋس­تريالىق-يننوۆاتسيالىق دامىتۋ كارتاسىنا كىرەتىن جوبالاردى جۇزەگە اسىرۋ باستالىپ تا كەتتى. مۇنىڭ ءوزى تاياۋ ونجىلدىققا بەلگىلەنگەن ەكونوميكالىق دامۋدىڭ كوكجيەكتەرىن ەركىن باعىندىراتىنىمىزعا سەنىم ۇيالاتادى. قازىردىڭ وزىندە وبلىستا ينۆەستيتسيالىق باعدارلا­ما اياسىندا قۇنى 9,0  ملرد. اقش دوللارىنان ارتىق قارجىنى قۇرايتىن 100-دەن استام جوبانى جۇزەگە اسىرىپ, 22,6 مىڭ جاڭا جۇمىس ورنىن اشۋ كوزدەلۋدە. ۇستىمىزدەگى جىلى عانا جالپى قۇنى 92 ملرد. تەڭگەدەن استام قارجى قۇرايتىن توقسان ەكى جوبا پايدالانۋعا بەرىلمەك. بۇل جوبالار حالىق شارۋاشىلىعىنىڭ بارلىق سالالارىن قامتيدى. سونىڭ ىشىندە وڭدەۋ كاسىپورىندارىنا ايرىقشا باسىمدىق بەرىلىپ وتىرعانى بايقالادى. مۇنىڭ ءوزى دايىن ونىمدەر ءوندىرۋدى جولعا قويادى دەپ كۇتىلۋدە. ۇستىمىزدەگى  جىلدىڭ العاشقى جارتىجىلدىعىندا جالپى قۇنى 30,4 ملرد. تەڭگەنى قۇرايتىن 10 جوبا ىسكە  قوسىلاتىن بولادى. ال جىلدىڭ ەكىنشى جارتىجىلدىعىندا 62,4 ملرد. تەڭگە بولاتىن 16 جوبا اياقتالىپ, پايدالانۋعا بەرىلەدى. بۇل ينۆەستيتسيالىق جوبالار جۇزەگە اسىرىلعاندا 2,5 مىڭنان استام جاڭا جۇمىس ورىندارى اشىلادى. بۇل دەرەكتەر  وبلىس اكىمدىگىندە وتكەن مەملەكەتتىك ورگاندار مەن ينۆەستيتسيالىق جوبالاردى جۇزەگە اسىراتىن كاسىپورىندار باسشىلارى قاتىسقان وتىرىس بارىسىندا  بەلگىلى بولدى. ۇستىمىزدەگى جىلى جۇزەگە اسىرىلاتىن ينۆەستيتسيالىق جوبالار باسشىلارىنىڭ ەسەبى تىڭدالىپ, ولاردىڭ قانشالىقتى دارەجەدە ورىندالىپ جاتقانى  تانىستىرىلدى. كەزىندە ءوز ونىمدەرىمەن وداققا, قالا بەردى دۇنيە جۇزىنە  تانىمال بولعان  “اقتوبەرەنتگەن” اكتسيونەرلىك قوعامى ديرەكتورلار كەڭەسىنىڭ توراعاسى راحىمجان يسماعامبەتوۆ كومپيۋتەرلىك توموگرافقا نەگىزدەلگەن رەنتگەن قوندىرعىسى جوباسىنىڭ ءوندىرىسى جايىندا ايتىپ بەردى. قازىر مۇندا مەديتسينالىق  زاماناۋي قۇرالدار شىعاراتىن وندىرىستىك جۇيە قۇرۋ اياقتالىپ كەلەدى. ونىڭ ايتۋىنشا, كاسىپورىن بيىلعى جىلدىڭ 1 شىلدەسىندە ءوزىنىڭ العاشقى ءونىمىن بەرەدى. ياعني, ءبىرىنشى تاجىريبەلىك وتاندىق توموگرافتىڭ يگىلىگىن كورەتىن كۇن دە قاشىق ەمەس. “ۆوسحود وريەل” جاۋاپكەرشىلىگى شەكتەۋلى سەرىك­تەستىگىنىڭ باس  ديرەكتورى بوريس اگۋدالين “ۆوسحود” كەن ورنىنداعى جەراستى كەنىشى شاحتاسى قۇرىلىسى تۋرالى باياندادى. ول بۇل جوبانىڭ 98 پايىزعا جۇزەگە اسىرىلعانىن جەتكىزدى. “اقتوبەسترويمونتاج” كاسىپور­نىنىڭ باسشىسى  بيسەمباي نازارباەۆ كەراميكالىق كىرپىش  زاۋىتىنىڭ قۇرىلىسى دا وسى مەرزىمدە اياقتالاتىنىنا سەندىردى. ال “ايس” جاۋاپكەرشىلىگى شەكتەۋلى سەرىكتەستىگى ديرەكتورىنىڭ ورىنباسارى سماعۇل بەيسەنباەۆ مارتوك اۋدانىندا  سالىنىپ جاتقان 1100  ءىرى قاراعا ارنالعان ءسۇت ونىمدەرىن ءوندى­رەتىن فەرما جوباسىنىڭ قۇرىلىسىمەن تانىستىردى, قۇرىلىس بارىسىندا تۋىنداعان كەيبىر ماسەلەلەرگە توقتالدى, ونى وڭ شەشۋگە وبلىس باسشىسىنىڭ ىقپال ەتۋىن سۇرادى. بەستاماق اۋىلىندا سالىنىپ جاتقان  شوشقا كەشەنىندەگى جۇمىس بارىسى تۋرالى “پاريج­سكايا كوممۋنا ءححى” جاۋاپكەرشىلىگى شەكتەۋلى سەرىك­تەستىگىنىڭ باس ديرەكتورى گايك تەرتەريان مالىمدەدى. مۇندا قازىردىڭ وزىندە شوشقالار اكەلىنىپ, تورايلاپ جاتقان كورىنەدى. قالا ماڭىندا پايدالانۋعا بەرىلۋى ءتيىس جىلىجاي, جاڭاجولداعى گاز-تۋربي­نالى ستانسا قۇرىلىسى سياقتى يندۋستريالىق جوبالار  كەڭىنەن ءسوز بولىپ, قاجەتتى مالىمەت­تەر الىندى. وسى سياقتى  باسقا دا ينۆەستيتسيالىق جوبالاردىڭ باسشىلارى ەسەپ بەردى. جوبالاردى جۇزەگە اسىرۋ بارىسىنداعى تۋىنداعان كەيبىر  ماسەلەلەردى ورتاق ويلاسىپ شەشۋ جولدارى قاراستىرىلدى. جوبا­لاردى جۇزەگە اسىرۋشىلاردىڭ كوڭىل-كۇيىنەن, جۇمىس بارىسى­نان بۇل نىسانداردى مەرزى­مىندە پايدالانۋعا بەرەتىن­دەي سەنىمدىلىك اڭعارىلدى. ساتىبالدى ءساۋىرباي, اقتوبە وبلىسى.