بۇل تۋرالى مۇرات مۇتىرعانوۆ Instagram-پاراقشاسىندا جاريالادى. ول 9 تامىزدا وتباسىندا قايعىلى جاعداي بولعانىن ايتىپ, اناسى ومىردەن وزعانىن جازدى. ول قاتەرلى ىسىككە شالدىققان ەكەن.
«انامىز پەرىشتەدەي ەدى. ءومىردى, وتباسىن, ادامداردى, تابيعاتتى, جانۋارلاردى جاقسى كورەتىن. جۇرەگى مەيىرىمگە تولى ەدى. اناممەن تانىس بولعاننىڭ ءبارى بۇگىن ونىڭ رۋحى ءۇشىن دۇعا ەتىڭىزدەرشى. اناشىم, ءسىز ءبىزدىڭ جۇرەگىمىزدە ماڭگى جاسايسىز. جاتقان جەرىڭىز جايلى بولسىن», دەپ جازدى مۇرات مۇتىرعانوۆ.
مۇرات مۇتىرعانوۆتىڭ اناسى «مۋتۋرگانچيكي» تسيرك تريوسىنىڭ اكىمشىسى بولعان. وندا مۇرات, ونىڭ اكەسى كارىم مۇتىرعانوۆ جانە قارىنداسى ونەر كورسەتكەن.
«انام - ەرەكشە ادام! ونىڭ ماعان دەگەن شەكسىز ماحابباتى ءومىر بويى ساقتالادى! مەنىڭشە, ءارتيستىڭ اناسى بولۋ وڭاي ەمەس, بىراق ونىڭ قولىنان كەلدى», دەدى مۇرات.
