فوتو: وبلىستىق ەكولوگيا دەپارتامەنتىنەن
دەپارتامەنت ماماندارى جاعىمسىز ءيىستىڭ قوشقار اتا قالدىق قويماسى اۋماعىنداعى ەسكى پوليگوننان شىعىپ جاتقانىن انىقتادى.
پوليگوندى قارا مەتالل قالدىعىن ىزدەۋشىلەر قازعان, ناتيجەسىندە جاعىمسىز ءيىس شىعىپ, اۋاعا تاراعان.
ماماندار اۋاعا زەرتحانالىق تالداۋ جۇرگىزىپ, زياندى زاتتاردىڭ رۇقسات ەتىلگەن شەكتەن اسىپ كەتكەنىن انىقتادى.
«پوليگوندار ەپيدەميولوگيالىق قاۋىپ توندىرەدى. ولار قورشاعان ورتانى لاستاۋدىڭ بىردەن-ءبىر كوزى بولىپ وتىر. ساسىق ءيىس جەلمەن ۇزاق قاشىقتىققا تارالادى جانە بىرنەشە شاقىرىم راديۋستا بۇكىل تىرشىلىكتى ۋلاندىرادى. ءتىپتى ادام ۋلانۋىنا اكەلۋى مۇمكىن. ءتۇسىپ جاتقان شاعىمداردىڭ كوپتىگى وسىنى بىلدىرەدى. بۇل ايماقتار ادام دەنساۋلىعى ءۇشىن ۋلى جانە قاۋىپتى. ال وندىرىلگەن مەتالعا كەلسەك, ولار جارامسىز بولۋى مۇمكىن», دەيدى ەكولوگتار.
