فوتو الماتى قالاسى توتەنشە جاعدايلار دەپارتامەنتىنىڭ ءباسپاسوز قىزمەتى
ءورتتىڭ جالپى اۋماعى 280 شارشى مەتردى قۇرادى.
«6 تامىزدا تاڭعى ساعات 9:26-دا ءورت ءسوندىرۋ ءبولىمى جەلمايا كوشەسى 24 مەكەنجايىندا ءورت شىققانى تۋرالى حابارلاندىرۋ الدى. ءبىر قاباتتى «بۇلبۇل» شاعىن ماركەتىنىڭ شاتىرىنان شىققان اشىق جالىن قويما شاتىرىن شارپىعان», دەپ حابارلادى الماتى قالاسى توتەنشە جاعدايلار دەپارتامەنتىنىڭ ءباسپاسوز قىزمەتى.
وقيعا ورنىنا جەتكەن توتەنشە جاعدايلار مينيسترلىگىنىڭ قىزمەتكەرلەرى ءورتتى اۋىزدىقتاپ, جاپسارلاس تۇرعان لومبارد, ءدارىحانا, سۋسىن ساتاتىن دۇكەن جانە جازعى كافەگە تارالۋىنا جول بەرمەدى.
دەپارتامەنتتىڭ جازۋىنشا, زارداپ شەككەندەر جوق.
