ىندەت جۇقتىرۋ تىركەلگەن دەرەكتەن كوپ بولۋى مۇمكىن

دەپارتامەنت باسشىسىنىڭ مىندەتىن اتقارۋشى گۇلنار اقىلبەكوۆا ىندەت جۇق­تىرۋ بويىنشا كۇنىنە 200-گە جۋىق جاع­داي تىركەلەتىنىن ايتتى. سونداي-اق جىل باسىنان بەرى 6 023 رەيد جۇرگىزگەن مو­نيتورينگتىك توپتار 36 163 نىساندى تەك­سەرىپ، ناتيجەسىندە 203 اكىمشىلىك ايىپ­پۇل سالىپ، سوتقا 24 ماتەريال تاپ­سىر­عان.

قازىر ءوزى ءار باسقارما، ءار دەپارتامەنت بەرەتىن مالىمەتتەردىڭ ساپىرىلىسقان سان­دارىنان جاڭىلىسىپ تا قالاسىز، ارقاي­سىسى ءارتۇرلى مالىمەت بەرەدى. مۇنى وبلىس اكىمى ابىلقايىر سقاقوۆ تا باي­قاعان بولۋ كەرەك.

– ءىس جۇزىندە زاڭ بۇزۋشىلىق كورسەت­كىش­تەرىنىڭ رەسمي تىركەلگەن جاعداي­لاردان الدەقايدا كوپ ەكەنىن بايقايمىز، دەمەك مونيتورينگ توپتارى جۇمىسىنىڭ تيىمدىلىگى تومەن، – دەپ اتاپ ءوتتى اكىم.

ءبىرى 200 ناۋقاس دەسە، ەكىنشىسى 130، ءۇشىنشىسى تاعى ءبىر باسقا مالىمەت تاراتادى. ال وبلىس ورتالىعىنداعى جۇقپالى اۋرۋلار بولىمدەرىندەگى 2 110 ورىننىڭ جارتىسىنان كوبى بوس كورىنەدى.

دەپارتامەنتتىڭ حابارلاۋىنشا، تاۋلىك سايىن ناۋقاستار كوبەيۋدە. مىسالى، وبلىس ورتالىعىندا – 135، ەكى­ب­اس­تۇزدا – 85، اقسۋدا – 30، اقتوعايدا – 8، پاۆلوداردا – 7، تەرەڭكولدە – 4، ەرتىس، شارباقتى جانە اققۋلى – 3، ۋسپەن اۋداندارىندا 2 ناۋقاس تىركەلگەن. ال اۋرۋ جۇقتىرعانداردىڭ 60 پايىزى – وبلىس ورتالىعىندا. قالعان ناۋقاستار سانىنىڭ 306 433-ءى ءوڭىر تۇرعىندارى بولسا، 291 ادامنىڭ باسقا وڭىرلەردەن كەلگەنى انىقتالعان.

ءبىر-بىرىمەن بايلانىستا بولعان ادامدار اراسىندا 9 371 ناۋقاس، سۋىق تيگى­زىپ، پنەۆمونيامەن اۋىرىپ، وزدى­گى­مەن قارالعانداردان 18 728، ال پروفي­لاك­تيكالىق ماقساتتا جۇگىنگەندەر اراسىندا 2 544 ناۋقاس تىركەلگەن. جالپى، شىلدەنىڭ سوڭعى اپتاسىنداعى احۋال بويىنشا سىرقاتتانعاندار اراسىندا 19 شىلدەدەن 25 شىلدەگە دەيىن 1 402، ال 26 شىلدە مەن 1 تامىز ارالىعىندا 1 818 ناۋقاس تۇسكەنى جايلى حابارلانعان.

وڭىرلىك كوممۋنيكاتسيالار قىزمەتىن­دە وتكەن بريفينگتە وبلىستىق دەنساۋلىق ساقتاۋ باسقارماسىنىڭ باسشىسى ايدار سەيىتقازينوۆتىڭ حابارلاۋىنشا، قازىر 1 283 ناۋقاس اۋرۋحانادا ەمدەلۋدە. جىل باسىنان بەرى وڭىردە 225 ادام كوز جۇمسا، قايتىس بولعاندار سانى شىلدە ايىندا دا كۇرت وسكەن. ءبىر ايدىڭ ىشىندە 60 ادام قايتىس بولىپتى.

ىندەتكە قارسى ەكپە سالدىرۋشىلاردىڭ سانى 217 مىڭنان استى. بۇل وبلىس تۇرعىندارىنىڭ 19،5 پايىزىن قۇرايدى. ەمحانالارعا سپۋتنيك V ۆاكتسيناسىنىڭ 10 مىڭ دوزاسى، QazVac-تىڭ 5 مىڭ دوزاسى جەتكىزىلدى.

ەكپە العاندار اراسىندا اۋى­رىپ جاتقاندار دا بار ەكەن. ءبىرىنشى كوم­پو­نەن­تىن سالدىرعان 126 ادام تىر­كەلسە، ەكى كومپونەنتىن بىردەي العان ءبىر ادام جانساقتاۋ بولىمىندە جاتىر. سوڭعى بىر­نەشە كۇننىڭ ىشىندە اياعى اۋىر 10 ايەل­دەن ىندەت بەلگىسى بايقالعان. قازىر 44 اياعى اۋىر ايەل ەمدەلۋدە.

وبلىس اكىمى ابىلقايىر سقاقوۆ وبلىس ورتالىعىنداعى ەكپە ەگۋ ورىندارىن ارالاپ شىقتى. №3 ەمحانادا ۆاكتسينالاۋ بارىسىنىڭ تومەندەگەنى ايتىلدى. تاعى ءبىر ماسەلە، تۇرعىندار ەكپە الۋ ءۇشىن جارتى ساعات كەزەك كۇتۋ كەرەك ەكەن. وبلىس اكىمى كۇتۋ ۋاقىتىن قىسقارتۋ ءۇشىن ەمحانادا قوسىمشا باسقا دا ورىندار اشۋدى تاپسىردى.

ال №4 ەمحانادا كەزەك بولماۋ ءۇشىن ءبىرىنشى جانە ەكىنشى كومپونەنتىن الاتىن تۇرعىندار قاتارىن ەكىگە ءبولۋ تۋرالى شەشىم قابىلدانىپتى. العاشقى ەكپەنى ەمحانادان السا، ەكىنشىسىن، Ertis Olympic عيماراتىنداعى ارنايى جابدىقتالعان ورىننان الا الادى.

كەلەسى كەزەكتە Profimed جەكەمەن­شىك كلينيكاسىندا 8 مىڭعا جۋىق تۇرعىن تىركەلگەن. بۇل جەردە بارلىق تۇرعىن ەرىكتى تۇردە ەكپە الا الادى. بۇگىنگە دەيىن كلينيكادا 3،6 مىڭنان اسا ادام ەكپە الىپتى.

ودان كەيىن وبلىستىق اكىمدىكتە «ۆاكتسينالاۋدىڭ قارقىنى نەگە تومەن؟» دەگەن تاقىرىپتا COVID-19-عا قارسى كۇرەس جونىندەگى وبلىستىق جەدەل ءىس-قيمىل شتابىنىڭ وتىرىسى ءوتتى.

– سانيتارلىق قىزمەت جۇرگىزگەن ەپي­­دەميالىق زەرتتەۋلەرگە سايكەس، ىن­­دەت­­تىڭ جاپپاي تارالۋى قوعامدىق كولىك­تەر­دە، تويلاردا، ساۋدا ورتالىقتارى مەن بازارلاردا كەزدەسەدى. ءالى كۇنگە دەيىن سانيتارلىق نورمالاردى ساقتاۋ ما­دەنيەتى قالىپتاسپاعان، – دەدى وبلىس اكىمى.

پاۆلودار وبلىسى