ىنتىماقتاستىقتا كەلەسى شارالار اتقارىلاتىن بولادى:
- ۇزدىكسىز ءبىلىم بەرۋ مودەلى ارقىلى قازاق ءتىلىن شەتەل ءتىلى جانە ەكىنشى ءتىل رەتىندە وقىتۋ ادىستەمەلەرىن جۇيەلەۋ ماقساتىندا بىرلەسكەن سەمينارلار, كونفەرەنتسيالار (بەتپە-بەت, ونلاين), باسقوسۋلار, شەبەرلىك ساباقتارىن, دوڭگەلەك ۇستەلدەر ۇيىمداستىرۋ;
- قازاق ءتىلىن وقىتۋعا ءتىل ماماندارىن تارتا وتىرىپ ادىستەمەلەر قالىپتاستىرۋ, دارىستەر وقۋ, ءوزارا قىزىعۋشىلىق تۋدىراتىن سالالار بويىنشا زەرتتەۋلەر جۇرگىزۋ;
- ءتىل مەڭگەرۋدىڭ وزىق ادىستەمەلەرىن پايدالانىپ, ينتەرنەت جانە ءموبيلدى بايلانىس جەلىلەرى ارقىلى قاشىقتان وقىتۋعا ارنالعان ادىستەمەلىك قۇرالدار ازىرلەۋ;
- قازاق ءتىلىن وقىتۋعا ارنالعان ادىستەمەلىك قۇرالدار مازمۇنىن جۇيەلەۋ ماقساتىندا ساراپتامالىق قورىتىندىلار ازىرلەۋ;
- قازاق ءتىلىن شەتەل ءتىلى جانە ەكىنشى ءتىل رەتىندە وقىتۋعا ارنالعان لەكسيكالىق جانە گرامماتيكالىق مينيمۋمداردى انىقتاۋ, ناقتىلاۋ, جۇيەلەۋ;
- ەرەسەكتەرگە قازاق ءتىلىن وقىتۋعا ارنالعان وقۋلىقتار مەن وقۋ قۇرالدارىنىڭ مازمۇنى مەن قۇرىلىمىنا تالداۋلار ازىرلەۋ;
- ءتىل ماماندارىنىڭ, وڭىرلىك تىلدەردى وقىتۋ ورتالىقتارىنىڭ وقىتۋشىلار مەن ادىسكەرلەرى ءۇشىن بىلىكتىلىكتى ارتتىرۋدىڭ ونلاين كۋرستارىن جانە تاجىريبە الماسۋدى ۇيىمداستىرۋ.
ش.شاياحمەتوۆ اتىنداعى ء«تىل-قازىنا» ۇلتتىق عىلىمي-پراكتيكالىق ورتالىعىنىڭ باس ديرەكتورى مىندەتىن اتقارۋشى ەربول تىلەشوۆ قازاق ءتىلىن ەكىنشى ءتىل رەتىندە وقىتۋ بارىسىنداعى قوردالانعان مازمۇندىق جانە ۇيىمداستىرۋشىلىق ماسەلەلەردى جانە ولاردى بىرلەسىپ شەشۋ جولدارىنا ۇسىنىستاردى باياندادى.
ى.التىنسارين اتىنداعى ۇلتتىق ءبىلىم اكادەمياسى پرەزيدەنتى عاني بەكتاەۆ ءبىلىم ساپاسىنىڭ مازمۇندىق نەگىزدەمەلەرىن قالىپتاستىرۋشى مەكەمە رەتىندە جاھاندىق كەزەڭدەگى قازاق ءتىلىنىڭ دامۋىنا اكادەميانىڭ عىلىمي جانە ادىستەمەلىك الەۋەتىن پايدالانا وتىرىپ, ارىپەستىكتە بىرلەسىپ جۇمىستار اتقارۋعا دايىن ەكەندىگىن جەتكىزدى.
ەكىجاقتى كەزدەسۋ ىنتىماقتاستىق مەموراندۋمىنا قول قويۋ راسىمىمەن اياقتالدى.
