«پاندەميا باستالعان كەزدە جۇقپالى اۋرۋلار بويىنشا ماماندار مەن رەانيماتولوگتاردىڭ جەتىسپەۋشىلىگى بولدى. بۇل جەتىسپەۋشىلىك ءالى دە بار. كادر تاپشىلىعىن جويۋ ءۇشىن ۇلكەن جوبا ازىرلەندى. بيىلعى جىلى جەتىسپەيتىن مامانداردى دايارلاۋ ءۇشىن رەزيدەنتۋراعا 120 گرانت بەرىلەدى. اقشا جەرگىلىكتى بيۋدجەتتەن بولىنەتىن بولادى. گرانتتىڭ كوپ بولىگى «جۇقپالى اۋرۋلار», «انەستەزيولوگيا» جانە «رەانيماتسيا» ماماندىقتارىنا ارنالعان», دەدى قالالىق دەنساۋلىق ساقتاۋ باسقارماسى باستىعىنىڭ ورىنباسارى سۆەتلانا سۇلتانعازيەۆا بريفينگتە.
ونىڭ ايتۋىنشا, قازىرگى ۋاقىتتا جۇقپالى اۋرۋلار اۋرۋحاناسىندا 6315 مەديتسينا قىزمەتكەرى جۇمىس ىستەيدى. سونىمەن قاتار وسىنداي مەكەمەدە جۇمىس ىستەگىسى كەلەتىندەردىڭ رەزەرۆى بار. وندا ينتەرناتۋرا, رەزيدەنتۋرا, كوللەدج تۇلەكتەرى مەن قازىرگى ۋاقىتتا ەمحانادا جۇمىس ىستەيتىن قىزمەتكەرلەر بار. جالپى سانى 2000-نان استام قىزمەتكەر رەزەرۆتە.
