فوتو: lenta.ru
ماڭعىستاۋ پوليتسيا ءبولىمىنىڭ قىزمەتكەرلەرىنىڭ ايتۋىنشا, ۇرىلار پاتەر يەسى ۇزاق ۋاقىت ۇيدە بولمايتىن ءساتتى كۇتەدى. ونى ءبىلۋ ءۇشىن بىرنەشە ءتاسىلدى قولدانادى.
مىسالى, پاتەردىڭ پوشتا جاشىگىنە گازەت نەمەسە جارنامالىق پاراق سالىپ قويادى. ول ۇزاق ۋاقىت بويى الىنباسا, ۇرىلار پاتەر يەسى ۇيدە جوق دەپ توپشىلاۋى مۇمكىن.
ۇرىلار پاتەر يەسى قاي ۋاقىتتا ۇيدە بولمايتىنىن ەسىك الدىنداعى كىلەمشەنىڭ استىنا ۇساق ءارى وڭاي ۇگىتىلەتىن زات جاسىرۋ ارقىلى دا بىلەدى. ول بەلگىلى ۋاقىت ارالىعىندا جانشىلماسا, سول كەزدە پاتەردە ەشكىم بولمايدى دەگەندى بىلدىرەدى.
سونداي-اق ەسىككە نەمەسە ەسىكتىڭ تۇتقاسىنا جارناما پاراعى جابىستىرىلادى. ادەتتە ءۇي يەسى بۇل جارنامانى الىپ تاستايدى. ال ولار بىرنەشە كۇن بويى ورنىندا بولسا, پاتەردىڭ بوس ەكەنىن بىلدىرەدى.
«جوعارىداعى بەلگىلەردى بايقاساڭىز, كۇزەتكە ەسكەرتىڭىز. ۇزاق ۋاقىتقا باسقا جاققا كەتەتىن بولساڭىز, كورشىڭىزگە نەمەسە سەنىمدى ادامعا پوشتانى, ەسىككە جابىستىرىلعان قاعازداردى الىپ وتىرۋدى ءوتىنىڭىز.
ەگەر ۇيگە كەلگەندە سىرتقى ەسىكتىڭ اشىق تۇرعانىن نەمەسە قۇلپى بۇزىلعانىن كورسەڭىز, بىردەن كىرمەڭىز. كورشىلەرىڭىزدى, كۇزەتتى نەمەسە پوليتسيا شاقىرىڭىز. بىردەن ۇيگە كىرۋ قاۋىپتى, سەبەبى ۇرى ءالى دە ۇيدە بولۋى مۇمكىن», دەپ جازىلعان حابارلامادا.
