ساراپشىلاردىڭ ايتۋىنشا, ءبىرىنشى توقساندا ەلىمىزدە جىلجىمايتىن م ۇلىككە قاتىستى جاسالاتىن وپەراتسيالار بويىنشا قىزمەتتەر كولەمى 268,1 ميلليارد تەڭگەنى قۇرادى. بۇل كورسەتكىش وتكەن جىلمەن سالىستىرعاندا 5,5 پايىزعا تومەندەگەنى جەتى جىلدا العاش رەت بايقالدى.
اتالعان قىزمەتتەردىڭ باسىم بولىگى نۇر-سۇلتان مەن الماتىدا كورسەتىلەدى, بۇل رەتتە, ەگەر ەلوردادا وسى قىزمەتتەردىڭ كولەمى 9,5 پايىزعا وسسە, الماتىدا ول, كەرىسىنشە, 16,7 پايىزعا ازايدى. تۇتاستاي العاندا, قازاقستاننىڭ 17 ءوڭىرىنىڭ 10-ىندا سەكتورداعى كورسەتىلەتىن قىزمەتتەر كولەمى قىسقاردى.
وسى جىلدىڭ باسىنان بەرى تەك جەكە مەنشىك جىلجىمايتىن م ۇلىكتى پايدالانۋ, جالداۋ جانە باسقارۋ بويىنشا قىزمەتتەر - 5,8 پايىزعا, وندىرىستىك-تەحنيكالىق ماقساتتاعى جىلجىمايتىن م ۇلىكتى ساتىپ الۋ-ساتۋ بويىنشا دەلدالدىق - 29 پايىزعا ءوستى. بۇل رەتتە ساۋدا نارىعىن جالعا بەرۋ جانە پايدالانۋ نارىعىندا 2,1 ەسە قىسقارتۋ ورىن الدى.
وندىرىستىك ەمەس ماقساتتاعى تۇرعىن ءۇيدى جانە باسقا جىلجىمايتىن م ۇلىكتى ساتىپ الۋ-ساتۋ جانە جالعا بەرۋ كەزىندەگى دەلدالدىق قىزمەتتەر (ريەلتورلاردىڭ قىزمەتتەرى) ءبىر جىلدا ۇشتەن بىرگە قىسقاردى.
