قازاقستان • 03 تامىز، 2021

ءسىم تۇركياداعى قازاقستاندىق تۋريستەردىڭ جاعدايى تۋرالى ايتتى

20 رەت كورسەتىلدى

قازاقستاننىڭ سىرتقى ىستەر مينيسترلىگى تۇركياداعى ورمان ورتىنە بايلانىستى قازاقستاندىق تۋريستەردىڭ جاعدايىنا قاتىستى تۇسىنىكتەمە بەردى، دەپ حابارلايدى Egemen.kz.

بىرنەشە كۇن بويى تۇركيانىڭ بىرنەشە پروۆينتسياسىندا تابيعي ءورت بولدى. باق مالىمەتىنشە، جاعداي بىرتىندەپ جاقسارىپ كەلەدى. مارماريس جانە بودرۋم قالالارىندا قاتتى ءورت بولعان كەزدە جەرگىلىكتى تۇرعىندار مەن تۋريستەر قوناقۇيلەردەن ەۆاكۋاتسيالاندى.

ءسىم ءباسپاسوز قىزمەتىندەگىلەر «قازاقستان ازاماتتارىنىڭ ەشقايسى كونسۋلدىقتان كومەك سۇراعان جوق» دەگەن تۇسىنىكتەمە بەردى.

«تۋريستىك اگەنتتىكتەر تۋريستەردى قاۋىپسىز جەرگە جەتكىزەدى»،  دەپ ءتۇسىندىردى ءسىم.

31 شىلدەدە قازاقستان پرەزيدەنتى قاسىم-جومارت توقاەۆ تۇركيا پرەزيدەنتى رەجەپ تايىپ ەردوعانعا ورتكە بايلانىستىن جاناشىرلىق ءبىلدىرىپ، جەدەلحات جولدادى. مەملەكەت باسشىسى قازاقستان بارىنشا گۋمانيتارلىق كومەك كورسەتۋگە دايىن ەكەنىن اتاپ ءوتتى.

 

سوڭعى جاڭالىقتار

قانشا ادام ۆاكتسينا سالدىردى؟

كوروناۆيرۋس • بۇگىن، 09:16

ۇقساس جاڭالىقتار