ء«بىزدىڭ پايدالانۋشىلارىمىزدىڭ قاۋىپسىزدىگىن قامتاماسىز ەتۋ جونىندەگى ۇزدىكسىز كۇش-جىگەرىمىزدىڭ اياسىندا 27 قىركۇيەكتەن باستاپ Google Android 2.3.7 نەمەسە ودان بۇرىنعى نۇسقاسى ورناتىلعان Android قۇرىلعىلارىنداعى ەسەپتىك جازباعا كىرۋگە تىيىم سالادى», دەلىنگەن حابارلامادا.
كورپوراتسيا ەگەر اتالعان وپەراتسيالىق جۇيەسى بار قۇرىلعى پايدالانۋشىسى كورسەتىلگەن كۇننەن كەيىن ءوز ەسەپتىك جازباسىنا كىرۋگە تىرىسسا, Gmail, YouTube جانە Maps سياقتى Google قىزمەتتەرىن پايدالانۋ كەزىندە قاتە پايدا بولۋى مۇمكىن ەكەنىن تۇسىندىرەدى. ەگەر پايدالانۋشى تەلەفون پارامەترلەرىن زاۋىتتىق پارامەترلەرگە قالپىنا كەلتىرىپ, سودان كەيىن ءوز ەسەپتىك جازباسىنا كىرۋگە تىرىسسا دا, قاتە پايدا بولۋى مۇمكىن.
Google قوسىمشالارى مەن قىزمەتتەرىنە قول جەتىمدىلىكتى ساقتاۋ ءۇشىن كومپانيا پايدالانۋشىلارعا امالدىق جۇيەنى 3.0 جانە ودان جوعارى نۇسقالارعا جاڭارتۋدى ۇسىنادى. ەگەر بۇل مۇمكىن بولماسا, Google ەسەپتىك جازباسىنا Google براۋزەر ارقىلى كىرۋگە كەڭەس بەرەدى. بۇل جاعدايدا پايدالانۋشى ءالى دە كومپانيانىڭ كەيبىر قىزمەتتەرىن پايدالانا الادى.
ايتا كەتسەك, Android 2.3.7 وپەراتسيالىق جۇيەسى 2011 جىلدىڭ 21 قىركۇيەگىندە شىعارىلدى.
