ەلوردا • 02 تامىز، 2021

«باسىڭىزدى قاتەرگە تىكپەڭىز». ەلوردا دارىگەرلەرى ۇندەۋ جاسادى

3010 رەت كورسەتىلدى

ەلوردالىق دارىگەرلەر قالا اۋرۋحانالارىنداعى قازىرگى جاعدايعا الاڭداپ، تۇرعىندارعا ۇندەۋ جاسادى، دەپ حابارلايدى Egemen.kz.

اۋرۋحانالاردا جاساندى تىنىس الۋ اپپاراتىندا 40 ادام جاتىر. ولار وزدىگىنەن دەم الا المايدى. تەك ۆاكتسيناتسيا ءوزىڭىزدى جانە جاقىندارىڭىزدى قورعاۋعا، ۇجىمدىق يممۋنيتەتتى قالىپتاستىرۋعا مۇمكىندىك بەرەدى.

«وتكەن تاۋلىكتە عانا ينفەكتسيالىق ستاتسيونارلارعا 178 ادام جاتقىزىلدى. توسەك-ورىن بىردەن تولىپ كەتتى. ءار ەكىنشى ناۋقاسقا وتتەگى كونتسەنتراتورى قاجەت، ولار ءينۆازيۆتى ەمەس جەلدەتۋ قۇرىلعىسىنا نەمەسە جاساندى تىنىس الۋ اپپاراتىنا قوسىلعان»، دەيدى جۇقپالى اۋرۋلار اۋرۋحاناسىنىڭ مەديتسينا قىزمەتكەرلەرى.

دارىگەرلەر ۆاكتسينا الماعان، سانيتاريا تالاپتارىن ەلەمەيتىن، سالتاناتتى ءىس-شارالارعا قاتىسىپ نەمەسە ۇيىمداستىرعان ناۋقاستار كوبىنە اۋىر جاعدايدا تۇسەتىنىن ايتتى.

ء«بىر رەت ەرلى-زايىپتى اۋرۋحاناعا ءتۇستى. ءبىز تەكسەرۋ جۇرگىزە باستاعاندا ولار جاقىندا عانا كوپ ادام جينالعان مەرەيتويعا بارعانىن مويىندادى. بىراق ەر ادانىڭ جاعدايى ناشارلاپ كەتكەن ەدى. كوزدەرىنە جاس الىپ، «جيىنعا بارماعاندا ءبارى جاقسى بولار ەدى» دەپ وكىندى. بۇلاي باسىڭىزدى قاتەرگە تىكپەڭىزدەر»، دەيدى جۇقپالى اۋرۋلار دارىگەرى گۇلباحىت ءاديجانوۆا.

2 تامىزداعى جاعداي بويىنشا نۇر-سۇلتان قالاسىنىڭ ينفەكتسيالىق ستاتسيونارلارىندا 2 903 پاتسيەنت جاتىر. رەانيماتسيادا - 260 ادام، جاساندى تىنىس الۋ اپپاراتىندا - 40 پاتسيەنت. قازىرگى ۋاقىتتا COVID-19-بەن كۇرەسۋ ءۇشىن قالادا 16 ستاتسيونار جانە 6 مىڭنان اسا مەديتسينا قىزمەتكەرى جۇمىس ىستەيدى.

 

 

 

سوڭعى جاڭالىقتار

ۇكىمەت شيكى مۇناي باعاسىن بەكىتتى

ەكونوميكا • 24 قىركۇيەك، 2021

قىتاي مەن قازاقستان جۇك تاسىمالى ارتقان

ەكونوميكا • 24 قىركۇيەك، 2021

ۇقساس جاڭالىقتار