ايماقتار • 02 تامىز، 2021

جاڭاوزەندەگى جىلىجاي

42 رەت كورسەتىلدى

جاڭاوزەندەگى «استانا» شاعىن اۋدانىندا وسىدان بەس جىل بۇرىن پايدالانۋعا بەرىلگەن جىلىجاي قازىر جىلىنا 50-60 مىڭ توننا ءونىم بەرىپ وتىرعان شارۋاشىلىق كوزىنە اينالعان. جاعدايىن جاساساڭ، جىلىجاي جىلىنا ەكى رەت ءونىم بەرەدى. كۇزدە قىزارىپ قىزاناق پىسسە، ەرتە كوكتەمدە قيار جيىپ الۋعا بولادى.

جىلىجاي يەسى عايبوللا قا­بىل­ ۇلىنىڭ ايتۋىنشا، ءبىر ءتۇپ قىزاناق توقسان كۇننىڭ اينالا­سىن­دا تولىقتاي پىسەدى ەكەن. جال­پى، جىلىجايدا كوك­ونىستىڭ ءتورت مىڭ­داي ءتۇبى وتىر­عىزىلعان. 24 سو­تىق اۋما­ق­­قا 9 مىڭ ءتۇپ قيار ەگى­لىپ­تى.

«ەڭ از دەگەندە 50-60 مىڭ تونناداي ءونىم بەرەدى دەپ وتىرمىز. كۇتىمگە بايلانىستى. جاقسىلاپ قاراي الساق، جاقسى ءونىم بەرەدى. قاڭتار-اقپان ايىندا ءبىرىنشى لەك ەگىلسە، ەكىنشى لەگى شىلدە ايى­نىڭ ورتاسىندا جاڭادان وتىر­عى­زىلادى. پىسكەن ءونىمدى ءبىر كۇن تاستاپ تەرىپ وتى­رامىز جانە ارنايى پاكەتكە سالامىز. باسەكە­لەستىك بار. ونىمدەردى ءىرى ساۋدا نۇكتەلەرىنە كوتەرمە باعامەن ءبىر-اق ساتامىن»، دەيدى كاسىپكەر.

ءبىر عانا جىلىجايدىڭ وزىندە بەس-التى ازاماتتى تۇ­­­­راقتى جۇ­مىسپەن قامتىپ وتىر. جىلى­جاي يەسى جۇمىس اۋقى­مىن كەڭەيتە تۇس­سەم دەي­­دى. ارينە ول ءۇشىن مەم­لە­كەت ۇسى­نىپ وتىرعان باع­­دار­لا­ما­لاردى دا پايدالا­نىپ كور­گەن ابزال. بۇل رەتتە وسى­­دان 11 جىل بۇرىن قولعا الىن­­عان «اگروبيزنەس – 2020» باع­دار­لاماسىن ايتساق بولادى. باع­دارلاما اياسىندا سۋبسيديالاۋ بويىنشا جىلىجايدىڭ ءار گەكتارىنا بولىنگەن قارجىعا تىڭايت­قىشتار، تۇقىم الۋعا مۇم­كىندىك بار. ءسويتىپ شى­عىن­­­نىڭ ورنىن تولتىرىپ، تا­­­بىس­تىڭ كولەمىن ارتتىرا الادى. البەتتە تىنىم­سىز ەڭ­­بەك­سىز ەشتەڭە دە ونبەيدى. سونى جاق­سى تۇسىنگەن عايبوللا قا­بىل­­ ۇلى جانە ونىڭ كومانداسى شۇمەكتەپ تەر توگىپ، قارا جەرگە تاستالعان تۇقىم تۇينەك بولىپ بوي كوتەرىپ، ءونىم بولىپ جايقالعانشا ەڭبەكتەرىن ءبىر ساتكە دە توقتاتپايدى.

بيىل جازدا ءونىم تاپ­شى­لىعى كەزىندە باعا قىم­باتتاپ، حالىق­تىڭ كۇن­دەلىك­تى اس-اۋقا­تىنا ارالاس­تىرار كوكونىس تاپپاي قي­نالىپ كەت­كەنى ەل ەسىندە. ال وسىنداي جى­لى­­جاي­لاردىڭ كوبەيۋى جانە ولارعا بەرىلەر كومەكتىڭ دە ارتا ءتۇسۋى وتان­دىق ءونىم مەن نا­رىقتى قولداۋ بول­ماق. قازاق­ستان نا­رىعىن سىرتتان ەمەس، ءوزىمىزدىڭ وتان­دىق ونىممەن قام­تا­ماسىز ەتۋگە باعىتتالعان جا­­ڭا­­وزەندىك كاسىپ­كەردىڭ ارە­كەتى ءوز جەمى­سىن بەرەدى جانە وز­گەلەرگە ۇلگى بولادى دەگەن سە­نىم باسىم.

 

«ەگەمەن-اقپارات»

سوڭعى جاڭالىقتار

ۇقساس جاڭالىقتار