TOKYO2020 • 31 شىلدە، 2021

يلفات ابدۋللين: وليمپيادا ويىندارى مەن ءۇشىن ۇلكەن تاجىريبە بولدى

38 رەت كورسەتىلدى

قازاقستاندىق ساداقشى يلفات ابدۋللين توكيو وليمپياداسىنداعى جولىن اياقتادى. جارىستىڭ 1/8 فينالىنا دەيىن جەتكەن ول كەزدەسۋدەن كەيىن سايىستى قورىتىندىلاپ بەردى، دەپ جازادى Egemen.kz olympic.kz سايتىنا سىلتەمە جاساپ.

فوتو: جەڭىس ىسقاباي، قازاقستان ۇوك

«بۇل وليمپيادا - مەنىڭ ءبىرىنشى وليمپيادام. وليمپياداعا قاتىسۋداعى ماقساتىم بار كۇشىمدى سالىپ، ءانۇرانىمىزدى شىرقاتۋ بولاتىن. ماقساتىما ءبىر تابان جاقىنداعانىممەن، قارسىلاسىمنان ەكى ۇپايعا ۇتىلىپ قالدىم. قاتەلىك تەحنيكالىق تۇرعىدان كەتتى دەپ ويلايمىن. 

وسىعان دەيىن ەكى قارسىلاسىمدى جەڭگەندە تەحنيكالىق، پسيحولوگيالىق تۇرعىدان وتە قاتتى دايىندالدىم. جەڭەتىنىمە سەنىمدى بولدىم. وسىعان دەيىنگى ەكى كەزدەسۋدى حالىقتىڭ قولداۋىنىڭ، سەنىمىنىڭ ارقاسىندا جەڭىپ وتىردىم دەسەم بولادى.

ءبىز مۇنىمەن توقتاپ قالمايمىز. بۇل جارىس مەن ءۇشىن ۇلكەن تاجىريبە بولدى. ەندى الدىمىزدا الەم چەمپيوناتى كۇتىپ تۇر. وليمپياداعا ءبىرىنشى رەت قاتىسىپ تۇرعاننان كەيىن وسى جارىستا نە جەتپەيدى، قاي جەردەن قاتە جىبەرەتىنىمدى ءبارىن تەكسەرىپ الدىم. الەم چەمپيوناتىندا ماقساتىما جەتۋگە تىرىسامىن»، دەيدى يلفات. 

ايتا كەتەرلىگى، بۇل قازاقستاندىق سپورتشىلاردىڭ وليمپيادا ويىندارىنداعى ەڭ ۇلكەن جەتىستىگى. وسى ۋاقىتقا دەيىن ساداق اتۋدان قازاقستان ساپىنان ەشكىم 1/8 فينالعا دەيىن جەتپەگەن. 

 

سوڭعى جاڭالىقتار

ۇكىمەت شيكى مۇناي باعاسىن بەكىتتى

ەكونوميكا • 24 قىركۇيەك، 2021

قىتاي مەن قازاقستان جۇك تاسىمالى ارتقان

ەكونوميكا • 24 قىركۇيەك، 2021

ۇقساس جاڭالىقتار