فوتو: milliyet.com.tr
تۇركيا بيلىگى ءورتتى ۇلتتىق اپات دەپ جاريالادى. جەتى پروۆينتسيا بىردەن جانىپ, تۋريستىك ايماقتار زارداپ شەگىپ جاتىر.
جەرگىلىكتى توتەنشە جاعداي باسقارماسىنىڭ حابارلاۋىنشا, اپات كەم دەگەندە ءتورت ادامنىڭ ءومىرىن الدى, 180-نەن استامى جاراقات الدى.
تۇركيا پرەزيدەنتى ءورتتى ءسوندىرۋدىڭ بارلىق مۇمكىندىگى جۇمىلدىرىلعانىن ايتتى. كورشىلەس ەلدەر انكاراعا كومەك ۇسىنىپ جاتىر. ءورت سوندىرۋگە رەسەي اۆياتسياسى قاتىسادى, گرەك بيلىگى ءورتتى سوندىرۋگە كومەكتەسۋگە دايىن.
بودرۋم كۋرورتتىق ايماعىنىڭ بىرنەشە جەرىندە ورمان ءورتىنىڭ ءورشىپ, بەس مىڭعا جۋىق ادام تۇراتىن قوناقۇيلەرگە جاقىندادى. تۋريستەر مەن قىزمەتكەرلەر باسقا جاققا كوشىرىلىپ جاتىر.
تۇرىك ءباسپاسوزىنىڭ حابارلاۋىنشا, مارماريستە دە كەيبىر قوناقۇي تۇرعىندارى تەڭىز ارقىلى كوشىرىلىپ جاتىر. سەبەبى جول بويىن ءورت شارپىعان.
ءورتتىڭ شىعۋ سەبەپتەرى قاراستىرىلىپ جاتىر. تۇركيادا قازىر 40 گرادۋس ىستىق. ادامي فاكتور دا جوققا شىعارىلمايدى.
