قازاقستان • 28 شىلدە، 2021

قازاقستاندا جاڭا تەلەارنا اشىلدى

118 رەت كورسەتىلدى

OTAU TV ۇلتتىق جەرسەرىكتىك تەلەۆيزيا جەلىسىندە (49-ىنشى ارنا) قازاقستان مۇسىلماندارى ءدىني باسقارماسى بازاسىندا قۇرىلعان MUNARA TV رەسپۋبليكالىق رۋحاني-اعارتۋشىلىق تەلەارناسى اشىلدى. بۇدان بىلاي قمدب-نىڭ تەلەۆيزيا سالاسىنداعى اقپاراتتىق-ناسيحات جۇمىستارى وسى MUNARA TV تەلەارناسى ارقىلى تاراتىلادى، دەپ حابارلايدى Egemen.kz.

«ەندى قازاقستان مۇسىلماندارى ءدىني باسقارماسىنىڭ تەلەۆيزيا سالاسىنداعى اقپاراتتىق-ناسيحات جۇمىستارى وسى MUNARA TV تەلەارناسى ارقىلى تاراتىلادى. MUNARA TV حالىقتىڭ ءدىني ساۋاتىن ارتتىرۋدى، جاس كورەرمەن بويىنا يماندىلىق، ادامگەرشىلىك، پاتريوتيزم سىندى قۇندىلىقتاردى قالىپتاستىرۋدى كوزدەيدى»، دەلىنگەن ءدىني باسقارما تاراتقان اقپاراتتا.

ءدىني باسقارمانىڭ ءتول تەلەارناسى مەن راديوسىن اشۋ 2020-2025 ستراتەگيالىق دامۋ باعدارلامامىزدا جازىلعان. بولاشاقتا MUNARA FM رۋحاني-تانىمدىق راديوسىن اشۋ جوسپارلانىپ وتىر.

سوڭعى جاڭالىقتار

ۇقساس جاڭالىقتار