ەلوردا • 28 شىلدە، 2021

نۇر-سۇلتانداعى ساۋدا ورىندارى Ashyq-قا قوسىلادى

18 رەت كورسەتىلدى

نۇر-سۇلتاننىڭ جابىق ساۋدا ورىندارى وزگە كاسىپكەرلىك نىساندارى سەكىلدى «Ashyq» جوباسىنا قوسىلادى. بۇل كوروناۆيرۋستىڭ تارالۋ قاۋپىن ازايتۋعا، وسىلايشا قىزمەتكەرلەر مەن كەلۋشىلەردى قورعاۋعا جانە نىساننىڭ قىزمەتىن جالعاستىرۋعا مۇمكىندىك بەرەدى، دەپ حابارلايدى Egemen.kz.

ولاردىڭ قاتارىندا، مىسالى، «اسەم»، «الەم» ساۋدا ورتالىقتارى، «ەتالون» قۇرىلىس بازارى بار، سونداي-اق «شاپاعات»، «سارىارقا» جانە وزگە دە ساۋدا ورىندارى جوباعا دايىندالۋدا.

بۇگىندە ەلوردادا «Ashyq» جوباسىندا 2 200-دەن استام كاسىپكەرلىك سۋبەكتىسى تىركەلگەن. جوباعا قاتىساتىن كاسىپكەرلەر قاتىسۋ شارتتارىن ساقتاۋى ءتيىس: ستاتۋسىن انىقتاعاننان كەيىن عانا كەلۋشىلەردى ىشكە جىبەرۋى ءتيىس. ال مونيتورينگتىك توپتار نىسانداردىڭ سانيتارلىق نورمالاردى جانە شەكتەۋ شارالارىن ساقتاعانىن جۇيەلى تۇردە تەكسەرىپ تۇرادى.

سونىمەن قاتار، «Ashyq» جوباسىنىڭ ارقاسىندا 18 تۇرعىن «قىزىل ستاتۋسى» (پتر سىناماسى وڭ ناتيجە كورسەتتى) بولا تۇرا قوعامدىق ورىندارعا بارۋعا تىرىسقانى ءۇشىن اكىمشىلىك جاۋاپكەرشىلىككە تارتىلدى. وسىلايشا، كاسىپكەرلەر «Ashyq» جوباسىنىڭ ماڭىزدىلىعىن اتاپ ءوتتى.

ء«بىز كەشەدەن بەرى «Ashyq» باعدارلاماسى بويىنشا جۇمىس ىستەپ كەلەمىز. جۇرتشىلىق ارنايى ورناتىلعان ءتارتىپ بويىنشا كىرەدى. كىربەرىستە جينالىپ تۇرمايدى. بۇگىننىڭ وزىندە كەلۋشىلەر اراسىندا 2 سارى،1 قىزىل ستاتۋسى بار ادامدار انىقتالدى. ءوز تاجىريبەمىزدە مۇنداي ۇلكەن نىساندا دا وسى جۇيە بويىنشا جۇمىس ىستەۋگە بولاتىنىن كورسەتكىمىز كەلەدى. نىسان قىزمەتكەرلەرى دە، كەلۋشىلەر دە ءوزىن قاۋىپسىز سەزىنۋى ءۇشىن وسى جۇيەنى ورناتقانىن قالايمىز»، دەدى «اسەم» سو ديرەكتورى نۇرلان نۇرماعانبەتوۆ.

ۆەدومستۆوارالىق كوميسسيانىڭ شەشىمىنە سايكەس وسى جىلدىڭ 2 تامىزىنان باستاپ «Ashyq» جوباسىنا قاتىسپايتىن كاسىپورىندار مەن ۇيىمداردىڭ قىزمەتى توقتاتىلاتىن بولادى. بۇل ءتارتىپ ورتالىق مەملەكەتتىك ورگاندارعا، اكىمدىكتەرگە، قۇقىق قورعاۋ ورگاندارىنا، دەنساۋلىق ساقتاۋ ۇيىمدارىنا، باق-قا، ازىق-ت ۇلىك دۇكەندەرىنە، دارىحانالارعا جانە تىرشىلىكتى قامتاماسىز ەتۋ ۇيىمدارىنا قولدانىلمايدى.

سوڭعى جاڭالىقتار

ۇقساس جاڭالىقتار